08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Բոլորին խնդրում եմ՝ որքան հնարավոր է ակտիվ եղեք, մենք պետք է մեծ գումարներ հավաքենք. Հայկակ Արշամյան. ՏԵՍԱՆՅՈՒԹ
Հասարակություն
05.10.2020 | 11:22
Սա արդեն համազգային դրամահավաք չէ, սա վերածվել է համազգային, համահայկական, գլոբալ մեծ շարժման, որովհետև մարդիկ աշխարհի գրեթե բոլոր համայնքներում գումարներ, օգնություն են ուղարկում: Այս մասին այսօր հրավիրված ճեպազրույցի ժամանակ նշեց «Հայաստան» համահայկական հիմնադրամի տնօրեն Հայկակ Արշամյանը:
«Մենք պետք է ունենանք ամուր թիկունք, որպեսզի կարողանանք հաջողություններ ունենալ առաջնագծում: Առանց ամուր թիկունքի մեր հաջողությունները կուշանան, ուստի խնդրում եմ բոլորին՝ հնարավորինս ակտիվ լինենք: Մենք պետք է մեծ գումարներ հավաքենք»,- ասաց Արշամյանը:
Նա նաև երեք լավ լուր հայտնեց. ««Հովնանյան» հիմնադրամի նախագահ Էդիլ Հովնանյանը, ով նաև «Դեպի Հայք» կազմակերպության հիմնադիրն է, արեց մեծ քայլ և 3 մլրդ դոլար փոխանցեց «Հայաստան» հիմնադրամին: Նույնը արեց նաև «Ալեք Մանուկյան» հիմնադրամի նախագահ Քրիստի Սիմոնը և 3 մլն դոլար փոխանցեց հիմնադրամին: Ալ Եսայանը և իր ընկերները Լոս Անջելեսում հավաքագրեցին 1 մլն դոլար: Սա ընդամենը մի քանի ժամվա մասին է խոսքը: Եվ երեկ խոսակցություն եմ ունեցել ՀԲԸՄ-ի խորհրդի հետ և որոշեցինք, որ քանի որ իրենք արդեն միացել են դրամահավաքին, եթե իրենց հաշվեհամարներին հավաքագրվի 5 մլն դոլար, ապա իրենք դա կկրկնապատկեն, և որպես բարի կամք՝ 1 մլն դոլարը անմիջապես կփոխանցեն «Հայաստան» հիմնադրամին»:
Հայկակ Արշամյանն ընդգծեց, որ այս գումարները մեր թիկունքի ամրապնդման, մեր հաղթանակի համար են:
Մանրամասները՝ տեսանյութում:
