Կառավարության հիմնած նոր ազատ տնտեսական գոտին խոստացածից բավականին համեստ ցուցանիշ ունի

Դեկտեմբերի 15-ին կբացվի Մեղրի ազատ տնտեսական գոտին: Համաձայն տնտեսական զարգացման և ներդրումների նախարար Սուրեն Կարայանի՝ գոտու նպատակն է օտարերկրյա ուղղակի ներդրումների ներգրավումը, երկրի ներդրումային գրավչության բարձրացումը, արտահանելի արտադրանքների աճը, արտահանման ծավալների ավելացումը, նոր աշխատատեղերի ստեղծումն ու կայուն տնտեսական զարգացումը:

Նշենք, որ սկզբնական փուլում կառավարությունը խոստանում էր շատ ավելի մեծածավալ գոտի, քան իրականում ստեղծվում է:

Կառավարությունը Հայաստանի տնտեսական զարգացման վերաբերյալ շռայլ խոստումներ է տալիս, վարչապետը յուրաքանչյուր ամիս տնտեսական բլոկի նախարարներին հավաքում է խորհրդակցության և գործարար միջավայրի բարելավման, «Դուինգ բիզնես» վարկանիշում առաջընթացի հանձնարարական տալիս: Այնինչ երկրում առաջընթացը նկատելի է միայն հայտարարված ցուցանիշներով, որոնք կարծես աղերս չունեն իրականության հետ: Միայն այն, որ արտոնյալ պայմաններով աշխատող այդ ազատ տնտեսական գոտիները սպասված արդյունքը չեն տալիս, շահագործողների մասնակցությունը փոքրաթիվ է ու ավելին՝ տնտեսական ցուցանիշների աճի պարագայում ազատ տնտեսական գոտին բացվում է նախատեսված հզորության կեսով, վկայությունն է Հայաստանի տնտեսության ներկա ու սպասվող լրջագույն խնդիրների:

Ինչո՞վ է զբաղվելու այս ազատ տնտեսական գոտին, քանի՞ նման գոտի կա Հայաստանում, որքա՞ն ձեռնարկություններ են ներառում, ինչո՞վ են զբաղվում և ի՞նչ արդյունք է տալիս:

Այս ամենի մասին՝ տեսանյութում:

Սևակ Հակոբյան