17.09.2026 | 15:28
«Արևմուտքը բացահայտ միջամտում է Հայաստանի և Վրաստանի գործերին»․ Շոյգու
Բավարարված չեմ միջազգային իրավապաշտպան համայնքի արձագանքից․ Արցախի ՄԻՊ. ՏԵՍԱՆՅՈՒԹ
Հասարակություն
01.10.2020 | 21:50
Ոչ մի արդարացում ինձ համար ընդունելի չէ, թե ինչու են նրանք լռում, չեն գալիս Արցախ ու արձանագրում այս խնդիրները։ Այսօր Ստեփանակերտում հրավիրված ասուլիսում անդրադառնալով ադրբեջանական ագրեսիայի հետ կապված միջազգային իրավապաշտպան հանրության արձագանքին՝ ասաց Արցախի մարդու իրավունքների պաշտպան Արտակ Բեգլարյանը։
Նրա խոսքով՝ որոշ հայտարարություններ եղել են, որոշները քիչ թե շատ ողջունելի են, քիչ թե շատ օբյեկտիվ, բայց, միևնույն ժամանակ, երկու հիմնախնդիր կա․ «Մեկը՝ լռություն։ Շատ դեպքերում՝ ներառյալ այս դեպքում, միջազգային հայտնի իրավապաշտպան կազմակերպությունները պարզապես լռում են, այն դեպքում, երբ ավելի փոքր մասշտաբի իրավախախտումներ են արձանագրվում տարբեր պետություններում կամ միջազգային կոնֆլիկտների ժամանակ, և շատ ավելի մեծ աղմուկ են բարձրացնում»:
«Իրավապաշտպան կազմակերպությունները պարտավոր են ուղղակի արձանագրել փաստերն օբյեկտիվ կերպով, արձանագրել մեղավորներին: Կարծում եմ՝ այս առումով բացը շատ մեծ է: Ես անձամբ բավարարված չեմ ընդհանուր առմամբ միջազգային իրավապաշտպան համայնքի արձագանքից: Եթե նրանք կարծում են, որ վստահելի աղբյուրների պակաս ունեն, բոլորին հրավիրում եմ Արցախի Հանրապետություն: Թող գան, փաստահավաք գործունեություն իրականացնեն, արձանագրեն և նոր դրանից հետո գնահատական տան»,- նշեց Արցախի ՄԻՊ-ը:
Մանրամասները ՝տեսանյութում։
