Պետական դավաճանություն՝ պատերազմական իրավիճակում. Երևանից Բաքվին հույժ գաղտնի տեղեկություններ են փոխանցվել․ ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Ազգային անվտանգության ծառայությունը բացահայտել է նախկինում բարձրաստիճան զինվորական ծառայություն իրականացրած անձի կողմից պետական դավաճանության դեպք: Անձը, որի ինքնություննն ԱԱԾ-ն չի բացահայտում, Հայաստանի զինված ուժերում պատասխանատու պաշտոններ է զբաղեցրել:

Մեղադրյալը պաշտոնավարման ընթացքում, ըստ ԱԱԾ-ի, համագործակցել է Ադրբեջանի հետախուզական ծառայությունների հետ, վերջիններին փոխանցել պետական գաղտնիք պարունակող տեղեկատվություն:

Մանրամասնելով՝ ԱԱԾ-ն հայտնում է, որ պետական դավաճանության մեջ մեղադրվող անձը ադրբեջանական հետախուզական ծառայություններին փոխանցել է տեղեկություններ հայկական բանակի անձնակազմի, զենքի, զինամթերքի, զինտեխնիկայի քանակի և տեսակի, զորամասերի և դրանց հրամանատարական կազմի, պաշտպանական շրջանների, ինժեներական կառույցների և սարքավորումների մասին: Ենթադրյալ լրտեսություն իրականացրած անձը հավաքագրված տեղեկություններն ադրբեջանական հետախուզությանը փոխանցելու նպատակով հաճախակի մեկնել է Վրաստան և հանդիպումներ ունեցել այդ երկրում Ադրբեջանի դեսպանատան տարածքում:

Վերջինիս մեղադրանք է առաջադրվել ՀՀ քրեական օրենսգրքի 299-րդ հոդվածի 1-ին մասով, այն է՝ պետական դավաճանություն: ԱԱԾ-ն այս քրեական գործով այլ մանրամասներ չի հաղորդում, այդ թվում՝ չի բացահայտում նախկին բարձրաստիճան պաշտոնյայի ինքնությունը:

ԱԱԾ տնօրենի տեղակալ Միքայել Համբարձումյանը Factor.am-ի հետ զրույցում հրաժարվեց որևէ պարզաբանում ներկայացնել:

Պաշտպանության նախարարության ռազմական ոստիկանության պետի նախկին տեղակալ Աշոտ Վանյանը Factor.am-ի հետ զրույցում ընդգծեց, որ նախկին պաշտոնյայի ինքնությունը չբացահայտելով՝ հակառակորդ երկրին իրավապահները զրկում են կարևոր տեղեկությունից:

Իրավապաշտպան Ժաննա Ալեքսանյանն էլ տարակուսելի է համարում այն, որ ԱԱԾ-ն պատերազմական իրավիճակում զինվորականի դավաճանության մասին է հայտնում: Ըստ նրա՝ հասարակությունն այժմ ցանկացած տեղեկատվություն էմոցիոնալ է ընդունում և արձագանքները կարող են լինել չափազանցված:

Ռազմական ոստիկանության նախկին պաշտոնյա Աշոտ Վանյանը, սակայն, ԱԱԾ-ի բացահայտումը պրոֆեսիոնալ աշխատանքի արդյունք է համարում: Նշում է, թե ԱԱԾ-ի հրապարակման մեջ կան բոլոր փաստերը, որ իրական հանցագործություն է բացահայտվել:

Իրավապաշտպան Ժաննա Ալեքսանյանը կարևորում է մարդու անմեղության կանխավարկածը, միաժամանակ, կարծում է, որ ադրբեջանական կողմը ինչպես մարդասպան վարձկանների է խոշոր գումարներով գայթակղում, այնպես էլ այս պարագայում կարող է լինել: Նա չի բացառում, որ ԱԱԾ-ի կողմից մատնանշված անձնավորությանը կարող էր հայկական պաշտպանական ոլորտի կառույցներ ուղղորդված լինել ադրբեջանական ջանքերով:

Ժաննա Ալեքսանյանի խոսքով՝ այս բացահայտումն ԱԱԾ տնօրեն Արգիշտի Քյարմյանի վերջին հայտարարության տրամաբանական շարունակությունը կարող է լինել:

Հիշեցնենք՝ Քյարամյանը հայտնել էր ռուսական «Դոսյեի»՝ Հայաստանում օտարերկրյա գործակալների առկայության մասին հրապարակմանն ընթացք տալու մասին:

Մանրամասները՝ տեսանյութում։

Նարեկ Կիրակոսյան