12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Հասարակ ֆոտոյով կարելի է բացահայտել զորքի շարժը, վտանգել գործողությունը և զինվորի կյանքը․ փորձագետ. ՏԵՍԱՆՅՈՒԹ
Հասարակություն
01.10.2020 | 16:52
Պատերազմի սկզբից պաշտպանության նախարարությունը և փորձագետները կոչ են անում չտեղադրել լուսանկարներ, որոնցում երևում է զորքի տեղաշարժը, դիրքերը և այլն։ Razm.info մասնագիտացած կայքի լրագրող Հայկ Խաչիկյանը Factor TV-ի հետ զրույցում բացատրում է, թե ինչ վտանգներ են պարունակում նման հասարակ լուսանկարները կամ տեսանյութերը։
– Պարո՛ն Խաչիկյան, ի՞նչ ինֆորմացիա կարելի է կորզել այդպիսի լուսանկարներից։
– Դրանից կարելի է կորզել տարատեսակ ինֆորմացիա։ Սկսած տեխնիկայի շարժից՝ կարելի է կոնկրետ հասկանալ՝ որ զորամասը, երբ, որտեղից դուրս եկավ, ուր գնաց և ինչի համար։ Ըստ այդմ՝ հակառակորդը կարող է նաև հասկանալ, թե ինչ է իրեն սպասվում։
Այս ամենով վտանգում են թե՛ գործողությունը, թե՛ դրա մասնակիցների կյանքը, մեծ հաշվով։ Այնպես որ՝ դա բավական լուրջ խնդիր է։
– Ենթադրենք՝ որևէ լուսանկարում երևում է որևէ տեխնիկա։ Օրինակ, ես իմ մեքենայով շարժվում եմ մայրուղով, լուսանկարում եմ տեխնիկան, տեղադրում եմ համացանցում։ Ի՞նչ կարելի է դրանից վերցնել։
– Տեսեք, տեխնիկայից հնարավոր կլինի հասկանալ այդ խմբավորման կազմը՝ հակատանկայի՞ն ստորաբաժանում է, հրթիռայի՞ն ստորաբաժանում է, հրետանայի՞ն է, հետախուզակա՞ն է և այլն։ Գուցե նկարողի համար դա ինչ-որ հերթական տեխնիկա է, բայց հավատացեք՝ մարդիկ, որ տարիներով աշխատում են այս ոլորտում, ձեր աչքին անմեղ մի բան թվացողը նրանց ինֆորմացիա է տալիս։
Հարցազրույցն ամբողջությամբ՝ տեսանյութում։
Գարիկ Հարությունյան
