06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Սիրիայում հաղթանակով Ռուսաստանը տեղավորվեց Մերձավոր Արևելքում, Թրամփը Երուսաղեմը ճանաչելով՝ ապակայունացրեց Մերձավոր Արևելքը. Շիրինյան
Քաղաքականություն
13.12.2017 | 14:45
Թրամփն իր այդ քայլով՝ Երուսաղեմը Իսրայելի մայրաքաղաք ճանաչելով, ապակայունացրեց իրադրությունը Մերձավոր Արևելքում ու անցավ հարձակողական դիրքի: Ես կցանկանայի, որ նա նաև Հայոց ցեղասպանությունը ճանաչեր՝ քաղաքակրթության թշնամիների բերանը փակելով. այսօր տեղի ունեցած ասուլիսին իր տեսակետը հայտնեց քաղաքագետ Լևոն Շիրինյանը:
«Ցեղասապանության առումով, այս 100 տարվա ընթացքում, ամենաիրատեսական և ռադիկալ գնահատականը տվել է Թրամփը, երբ իր ելությում ասաց, որ Ամերիկա հասան այն ժողովրդի ժառանգները, ովքեր ստեղծել էին հնագույն քաղաքակրթություն»,- ասաց քաղաքագետը՝ շեշտելով. «անակնկալների սպասեք»:
Ապա անդրադառնալով հարցին, թե ԱՄՆ նախագահն ինչու որոշեց, որ հիմա է ժամանակը Երուսաղեմը Իսրայելի մայրաքաղաք ճանաչելու, ասաց. «Ես դա կապում եմ Սիրիայում ռուսական զենքի հաղթանակի հետ ու Սիրիայի պետականության պահպանմամբ: Ռուսաստանը անվերադարձ տեղավորվեց Մերձավոր Արևելքում»:
«Թրամփն իր գրպանում ունի 2 գործողության հստակ մեխանիզմներ և ծանրակշիռ փաստեր. Ցեղասպանությունը կճանաչի, եթե Թուրքիան համը հանեց ու իրավարար վճիռը կռեալիզացնի: Եվ Թուրքիան այս պարագայում այլևս չի լինի»,- նկատեց Շիրինյանը:
Առավել մանրամասն՝ տեսանյութում:
