11.09.2026 | 18:01
Վուչիչը հայտարարել է, որ սեպտեմբերի 25-26-ին հրաժարական կտա Սերբիայի նախագահի պաշտոնից
Ունենք 18 տարեկան երիտասարդ, որը խոցել է հակառակորդի 9 զրահատեխնիկա. Արցախի նախագահ. ՏԵՍԱՆՅՈՒԹ
30.09.2020 | 22:17
Ստեփանակերտում կազմակերպված ասուլիսի ժամանակ, որին ներկա են նաև օտարազգի լրագրողներ, ԱՀ նախագահ Արայիկ Հարությունյանը թվարկեց մի շարք պատճառներ, թե ինչու չի հաջողելու հակառակորդը:
«Որովհետև ունենք հերոսական ժողովուրդ, հերոսական երիտասարդություն, որոնք պատրաստ են կյանքի գնով պաշտպանելու հող հայրենին, որովհետև ունենք 18 տարեկան երիտասարդ, որն արդեն հասցրել է խոցել հակառակորդի ինը զրահատեխնիկա և այսօր շարունակում է իր ծառայությունը մեր հայրենիքին, որովհետև ունենք արցախյան առաջին գոյամարտի մասնակից, ապրիլյան պատերազմի մասնակից, մարտական ընկերներ, որոնք երկու օրվա մեջ կարողացել են հակառակորդի երեք հատ տեխնիկա առգրավել և այսօր օգտագործել հակառակորդի դեմ, որովհետև ունենք հայրենակից, որը վերցնելով նռնակները՝ նետվել է թշնամու խրամատը, օգտագործել իր ամբողջ հնարավորությունները, վնաս հասցրել մեր կենդանի հակառակորդին և վերջում պայթեցրել իրեն՝ թշնամիների հետ միասին»,- նշեց Արցախի նախագահը:
Մանրամասները՝ տեսանյութում:
