14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Առաջին անգամ չէ այս պատերազմը, այս մարտահրավերն էլ կհաղթահարենք. Պարգև սրբազան. ՏԵՍԱՆՅՈՒԹ
28.09.2020 | 22:45
Ոչ թե Ադրբեջանի ժողովուրդը, այլ այդ երկրի քաղաքական էլիտան խախտեց հրադադարը և պատերազմ հրահրեց։ Այսօր հրավիրված ասուլիսում այս մասին ասաց ՀԱԵ Արցախի թեմի առաջնորդ Պարգև արքեպիսկոպոս Մարտիրոսյանը:
«Կհաղթահարենք փորձությունը և դուրս կգանք այս իրավիճակից ավելի իմաստուն: Առաջին պատերազմը չէ, սա էլ կհաղթահարենք, միայն թե ազգովի լինենք միաբան, սատարենք մեր բանակին։ Այս մարտահրավերն էլ կանցնի, ուստի մեր բոլոր եկեղեցիներում ժամերգություններ են կատարվում, աղոթքներ հնչում, խնդրում Աստծուց խաղաղություն»,- ասաց Պարգև սրբազանը:
Նա նաև նշեց, որ խոսել է Ամենայն Հայոց Կաթողիկոսի հետ, նա պատրաստ է գալ Արցախ՝ օրհնելու և սատարելու Արցախի ժողովրդին:
Հարցին՝ ի՞նչ կարծիք ունի այսօրվա կռվող սերնդի մասին, Պարգև սրբազանը պատասխանեց. «90-ականների պատերազմի ժամանակ հիացած էի ֆիդայիներով, հետո՝ կազմավորված բանակով: Ապրիլյան պատերազմին ավելի ոգևորվեցի. 18-20 տարեկան տղաները գերազանցեցին մեր սերնդին: Այսօրվա մեր երիտասարդները շատ խիզախ են, հպարտ եմ և ուրախ, որ նման երիտասարդ սերունդ ունենք, շնորհակալ եմ նրանց ծնողներին»:
Մանրամասները՝ տեսանյութում:
