24.06.2026 | 14:59
ՀԱՊԿ-ում ՌԴ ներկայացուցիչը խոսել է «ՀՀ-ի նկատմամբ ԱՄՆ-ի ու ԵՄ-ի ծրագրերի վտանգներից»
«Մեր ուզած ժամանակ կմտնենք». Չավուշօղլուն` Աֆրին ներխուժելու մասին
Քաղաքականություն
12.12.2017 | 17:48
Թուրքիայի արտաքին գործերի նախարար Մևլութ Չավուշօղլուն թուրքական «NTV» հեռուստաալիքի եթերով նշել է, թե որ դեպքում Թուրքիայի զինված ուժերը կարող են նոր ռազմական գործողություն իրականացնել Սիրիայի տարածքում. տեղեկացնում է EH-ն:
Ըստ թուրքական «NTV» լրատվական կայքի ՝ Չավուշօղլուն, Սիրիայի քրդերի վերահսկողության տակ գտնվող Աֆրին նահանգ ներխուժելու վերաբերյալ մասնավորապես ասել է.
«Այդ տարածք ներխուժման համար մեզ համար կարևոր ցուցիչ է հանդիսանում, թե արդյոք վտանգ կա, թե` ոչ: Այդ տարածքից մեզ անհանգստացնում են, մենք մեր ուզած ժամանակ կներխուժենք, ընդ որում դա կլինի հանկարծակի»:
Չավուշօղլուն նշել է, որ այս պահին Սիրիայի կառավարական ռեժիմը սպառնում Թուրքիային, վտանգ են ներկայացնում Սիրիայի քրդական ուժերը, որոնց պաշտոնական Անկարան ահաբեկչական է համարում:
Թուրք պաշտոնյայի խոսքերով, այնուամենայնիվ իրենք չեն փոխում իրենց դիրքորոշումը Սիրիայի նախագահ Բաշար Ասադի նկատմամբ և կարծում են , որ վերջինիս չի հաջողվի Սիրիան միավորել:
