19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Թուրքիան ցանկանում է անմիջապես միանալ պատերազմին․ Ավստրիայի խորհրդարանի անդամը մտահոգություն է հայտնել
Քաղաքականություն
28.09.2020 | 13:56
Ավստրիայի խորհրդարանի անդամ, հայ-ավստրիական բարեկամական խմբի ղեկավար Գուդրուն Կուգլերն անդրադարձել է Ադրբեջանի կողմից Արցախի ուղղությամբ սանձազերծված ռազմական գործողություններին:
Նա ահազանգել է, որ Թուրքիան պատրաստակամություն է հայտնել միանալ պատերազմին։
«Այսօր ինձ հետ կապվել են մի քանի հուսահատ հայեր՝ կապված էթնիկ հայերով բնակեցված ԼՂ բնակավայրերի վրա Ադրբեջանի հարձակումների հետ։ Սպանվել են խաղաղ բնակիչներ։ Հակամարտող երկու կողմերն էլ պատրաստակամություն են հայտնել պատերազմել, Թուրքիան էլ է ցանկանում անմիջապես միանալ պատերազմին։ Չափազանց անհանգստացած եմ այս պատերազմով։ Ավստրիան, միջազգային հանրության հետ մեկտեղ, պետք է անի հնարավոր ամեն բան, որպեսզի անհապաղ դադարեցվի այս պատերազմն ու կողմերը վերադառնան երկխոսության»,- Facebook-ի իր էջում գրել է պատգամավորը։
