ԼՂ հակամարտության էսկալացիան և ԱՄՆ-ի ու ԵՄ-ի արձագանքը

Լեռնային Ղարաբաղի շփման գծում կրկին սրվել է իրադրությունը Հայաստանի ու Ադրբեջանի միջև։ Այս մասին գրում է DW-ի ռուսական ծառայությունը՝ ներկայացնելուվ իրավիճակի քրոնիկոնը։

«Ադրբեջանը սեպտեմբերի 27-ին սկսվել է լայնածավալ ռազմական օպերացիա շփման գծի երկայնքով՝ հայտարարելով «հակագրոհի մասին»։ Բաքվում հայտնել են մի քանի բնակավայրերի գրավման մասին, իսկ նախագահ Իլհամ Ալիևը հայտարարել է հայկական կողմին լուրջ վնասներ պատճառելու մասին։ Իր հերթին, ՀՀ վարչապետ Նիկոլ Փաշինյանը հայտարարել է Լեռնային Ղարաբաղի վրա հարձակման մասին։ Հայաստանում ու ԼՂՀ-ում հայտարարվել է ռազմական դրություն»,- գրում է պարբերականը։

ԱՄՆ նախագահ Դոնալդ Թրամփն այսպես է մեկնաբանել ԼՂ հակամարտության գոտում ռազմական դրության սրումը․ «Մենք ուշի-ուշով հետևում ենք հակամարտության զարգացմանը։ Մենք այդ տարածաշրջանում լավ կապեր ունենք։ Տեսնենք՝ կկարողանա՞նք վերջ դնել ռազմական գործողություններին»։

Նոյեմբերին կայանալիք նախագահական ընտրություններում Թրամփի գլխավոր մրցակից Ջո Բայդենն իր հերթին Թրամփից պահանջել է հակամարտության գոտի ուղարկել ավելի շատ դիտորդների։ Բացի այդ, նա կոչ է արել Ռուսաստանին դադարեցնել հակամարտող երկու կողմերին զենքի մատակարարումը։

Լեռնային Ղարաբաղում հակամարտության նոր սրացման ֆոնին Թուրքիայի նախագահ Ռեջեփ Թայիփ Էրդողանը Իլհամ Ալիևի հետ հեռախոսազրույցում իր լիակատար աջակցությունն է հայտնել Ադրբեջանին։ Այս մասին հավաստող տեղեկությունն իր թվիթերյան էջում տարածել է Թուրքիայի ղեկավարության պաշտոնական ներկայացուցիչ Իբրահիմ Կալիմը։

«Թուրքիան լիովին համերաշխ է Ադրբեջանի հետ և անվերապահորեն պաշտպանում է նրա ինքնապաշտպանության իրավունքը»,- հավելել է նա։

Եվրամիության ներկայացուցիչ Շառլ Միշելն է «լրջագույն մտահոգություն է հայտնել» ԼՂ համակարտության գոտում ռազմական գործողությունների վերսկսման կապակցությամբ։

«Ռազմական գործողությունները պետք է անհապաղ դադարեցվեն, որպեսզի կանխվի հետագա էսկալացիան։ Միայն առանց նախապայմանների բանակցությունների վերադարձը թույլ կտա առաջ շարժվել»,- գրել է Միշելն իր թվիթերյան էջում։