26.02.2026 | 21:23
Կարծում եմ՝ կշարունակենք անվտանգության մեր համագործակցությունը. Տուսկը՝ Փաշինյանին
ՆԱՏՕ-ն Լեռնային Ղարաբաղում հրադադարի և բանակցություններ վերսկսելու կոչ է արել
Քաղաքականություն
27.09.2020 | 17:59
ՆԱՏՕ-ն խորապես մտահոգված է Լեռնային Ղարաբաղում տիրող իրավիճակի կապակցությամբ և հակամարտության կողմերին ռազմական գործողությունները դադարեցնելու կոչ է անում։ Այս մասին ասված է Կենտրոնական Ասիայում և Կովկասում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապաթուրայի հայտարարությունում։
«ՆԱՏՕ-ն խորապես մտահոգված է Լեռնային Ղարաբաղի հակամարտության գոտում շփման գծի երկայնքով լայնածավալ ռազմական գործողությունների մասին հաղորդագրություններով։ Կողմերը պետք է անհապաղ դադարեցնեն ռազմական գործողությունները, որոնք արդեն հանգեցրել են քաղաքացիական բնակչության շրջանում զոհերի»,- ասվում է Ապաթուրայի հայտարարությունում։
Դրանում շեշտվում է, որ «հակամարտությունը ռազմական լուծում չունի»։
«Կողմերը պետք է վերսկսեն խաղաղ կարգավորման շուրջ բանակցությունները։ ՆԱՏՕ-ն սատարում է ԵԱՀԿ Մինսկի խմբի ջանքերը»,- ասված է հայտարարությունում։
