01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Թեհրանը պատրաստ է օգտագործել բոլոր հնարավորությունները՝ հրադադար հաստատելու և կողմերի միջև երկխոսություն սկսելու նպատակով․ Իրանի ԱԳՆ
Քաղաքականություն
27.09.2020 | 17:07
Թեհրանը Հայաստանին և Ադրբեջանին կոչ է արել անհապաղ դադարեցնել ռազմական գործողություններն ու բանակցային գործընթաց սկսել։ ՏԱՍՍ-ի փոխանցմամբ՝ այս մասին հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն։
«Թեհրանը կողմերին զսպվածության, ինչպես նաև անհապաղ հրադադարի և երկու երկրների միջև բանակցություններ սկսելու կոչ է անում»,- ասել է նա։
Դիվանագետը նաև նշել է, որ Իրանը մտահոգված է Հայաստանի և Ադրբեջանի միջև զինված բախումների կապակցությամբ և «ուշադիր հետևում է դրանց»։
Նա նշել է, որ «Իրանի ԱԳՆ-ն հայտարարել է Թեհրանի պատրաստակամությունը՝ օգտագործել բոլոր հնարավորությունները՝ հրադադար հաստատելու և կողմերի միջև երկխոսություն սկսելու նպատակով»։
