12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Պուտինն ու Էրդողանը քննարկել են Երուսաղեմի շուրջ ստեղծված իրավիճակն ու Սիրիայի հարցը
Քաղաքականություն
12.12.2017 | 13:14
Դեկտեմբերի 11-ին Թուրքիա մեկնած Ռուսաստանի նախագահ Վլադիմիր Պուտինը հանդիպել է Թուրքիայի նախագահ Ռեջեփ Թայիփ Էրդողանի հետ։
Թուրքական «Gercekgundem» լրատվակայքի հաղորդմամբ՝ հանդիպումից հետո նախագահները Անկարայում մամուլի ասուլիս են տվել, որի ժամանակ տեղեկացրել են, թե ինչ հարցեր են քննարկել. փոխանցում է EH-ն:
Թուրքիայի նախագահը մասնավորապես նշել է, որ Պուտինի հետ բացի ռուս-թուրքական հարաբերություններից քննարկվել է նաև մի շարք տարածաշրջանային խնդիրներ, մասնավորապես՝ Երուսաղեմի շուրջ ստեղծված իրավիճակը և Սիրիայի հարցը։
Էրդողանը անպատասխանատու քայլ է որակել Դոնալդ Թրամփի՝ Երուսաղեմը Իսրայելի մայրաքաղաք ճանաչելը։ Թուրքիայի նախագահը նաև քննադատել է Իսրայելի հրթիռակոծությունները Գազայի հատվածում։
Էրդողանը շեշտել է, որ հանդիպման ժամանակ քննարկվել է Սիրիայի հակամարտության կարգավորման հարցը։ Այն նպատակով նա կարևորել է Ժնևում Սիրիայի հարցով տեղի ունենալիք համաժողովը։ Թուրքիայի նախագահը նշել է, որ առաջիկայում կրկին Սոչիում հանդիպում է ունենալու Պուտինի հետ, որի ժամանակ կքննարկվի գլխավորապես Սիրիայի հարցը։
Վերջում Էրդողանը խոսելով «C-400» ՀՕՊ համակարգերի մատակարարման վերաբերյալ, ասել է․ «Ուզում եմ տեղեկացնել, որ «C-400»-ների վերաբերյալ մեր ընկերները կիրականացնեն համապատասխան աշխատանքներ և այս շաբաթվա ընթացքում այդ գործը կփակեն»։
