28.08.2026 | 22:57
Վրաստանի նախագահը ներում է շնորհել 9 ակտիվիստի․ նրանցից մեկին ՌԴ արտաքսում է սպառնում
Թուրքիան հիմա նույնպես Ադրբեջանի կողքին է․ Էրդողանը կրկին իր աջակցությունն է հայտնել Ալիևին
Քաղաքականություն
27.09.2020 | 16:17
Ադրբեջանի և Թուրքիայի նախագահներ Իլհամ Ալիևն ու Ռեջեփ Թայիփ Էրդողանը հեռախոսազրույց են ունեցել։ Ադրբեջանի նախագահի մամուլի ծառայության փոխանցմամբ՝ Էրղողանը, ինչպես միշտ, Ադրբեջանին իր աջակցությունն է հայտնել։
«Էրդողանը կիրակի զանգահարել է Ալիևին և իր ցավակցությունները հայտնել նախագահին ու Ադրբեջանի ժողովրդին քաղաքացիական բնակչության ու զինծառայողների մահվան կապակցությամբ։ Էրդողանը նաև ընդգծել է, որ Թուրքիան, ինչպես նախկինում, այնպես էլ հիմա Ադրբեջանի կողքին է»,- ասվում է հաղորդագրության մեջ։
Երկու երկրների ղեկավարները նաև վստահություն են հայտնել «եղբայրական» ու «բարեկամական» Թուրքիայի ու Ադրբեջանի միջև հետագա հարաբերությունների զարգացման համար։
