28.04.2026 | 16:29
«Ձեր հարազատը վտանգի մեջ է»․ IDBank-ը զգուշացնում է հեռախոսային շանտաժի ագրեսիվ ալիքի մասին
Լավրովը Չավուշօղլուի հետ շփման գծում տիրող իրավիճակն է քննարկել
Քաղաքականություն
27.09.2020 | 15:17
ՌԴ ԱԳ նախարար Սերգեյ Լավրովը հեռախոսազրույց է ունեցել Թուրքիայի ԱԳՆ նախարար Մևլութ Չավուշօղլուի հետ, տեղեկանում ենք ՌԴ ԱԳՆ տարածած հաղորդագրությունից։
Աղբյուրի փոխանցմամբ՝ ԱԳ նախարարները մտքեր են փոխանակել ԼՂ հակամարտության գոտում տիրող իրավիճակի վերաբերյալ:
Լավրովն ու Չավուշօղլուն ընդգծել են շուտափույթ հրադադարի ու իրավիճակի կայունացման անհրաժեշտությունը, ինչպես նաև ցավակցություն հայտնել զոհվածների ընտանիքներին ու հարազատներին:
Հիշեցնենք, որ ՌԴ ԱԳ նախարար Սերգեյ Լավրովն այսօր հեռախոսազրույց է ունեցել նաև ՀՀ ԱԳ նախարար Զոհրաբ Մնացականյանի հետ։ ՌԴ ԱԳՆ պաշտոնական ներկայացուցիչ Մարիա Զախարովան հայտնել է, որ Սերգեյ Լավրովը ինտենսիվ կապ է պահպանում կողմերի հետ ԼՂ իրավիճակի հետ կապված՝ կոչ անելով դադարեցնել կրակն ու բանակցություններ սկսել։
