02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
ԵԱՀԿ-ն Հայաստանին և Ադրբեջանին ռազմական գործողությունները դադարեցնելու և բանակցությունները վերականգնելու կոչ է արել
Քաղաքականություն
27.09.2020 | 14:43
ԵԱՀԿ Մինսկի խմբի համանախագահները մտահոգություն են հայտնել Լեռնային Ղարաբաղում տիրող իրավիճակի կապակցությամբ, իսկ Հայաստանին և Աղրբեջանին կոչ են արել վերականգնել հակամարտության կարգավորմանն ուղղված բանակցությունները։ Այս մասին ասվում է ԵԱՀԿ կայքում հրապարակված հայտարարությունում։
Հայտարարությունում նշվում է, որ ԵԱՀԿ-ն վճռականորեն դատապարտում է ուժի կիրառումը և ափսոսանք հայտնում զոհերի համար, այդ թվում՝ խաղաղ բնակչության շրջանում։
«Համանախագահները կողմերին կոչ են անում դադարեցնել ռազմական գործողությունները և վերականգնել բանակցությունները՝ հակամարտության կայուն լուծում գտնելու համար»,- ասվում է ԵԱՀԿ հայտարարությունում։
Հիշեցնենք՝ առավոտյան հայկական կողմը հաղորդել է Արցախի ուղղությամբ շփման գծի ամբողջ երկայնքով Ադրբեջանի զինված ուժերի սկսած հարձակման մասին։ Արցախում և Հայաստանում հայտարարվել է ռազմական դրություն և զորահավաք:
