28.04.2026 | 17:53
Բելառուսն ու Լեհաստանը 5-ը 5-ի դիմաց ձերբակալվածների փոխանակում են իրականացրել
4 մարդու դանակահարել են Մուհամեդ մարգարեի ծաղրանկարը հրապարակած ֆրանսիական խմբագրության դիմաց
Քաղաքականություն
25.09.2020 | 16:06
Փարիզում՝ Charlie Hebdo-ի նախկին խմբագրության դիմաց, վիրավորվել է 4 մարդ, նրանցից երկուսը ծայրահեղ ծանր վիճակում են։ Այս մասին հայտնել է Ֆրանսիայի վարչապետ Ժան Կաստեկսը։ Տուժածները դանակահարվել են , գրում է BBC-ի ռուսական ծառայությունը։
Տեղեկացվում է, որ մեծ թվով ոստիկաններ են բերվել քաղաքի արևելք՝ Ռիշար Լենուար մետրոյի կայարանից ոչ շատ հեռու։
Հիշեցնենք, որ 2015 թ հունվար ամսին ջիհադիստ եղբայրները ներխուժել էին Charlie Hebdo-ի փարիզյան գրասենյակ ու գնդակահարել 12 մարդու՝ պարբերականում Մուհամեդ մարգարեի ծաղրանկարը հրապարակելու համար։
Սեպտեմբերի սկզբին Charlie Hebdo-ն կրկին հրապարակել է ծաղրանկարը, որը 5 տարի առաջ հարուցել էր մահմեդականների զայրույթը։ Ծաղրանկարի կրկնակի հրապարակումը նվիրված է եղել 2015 թ հարձակման մեջ մեղադրվող 14 կասկածյալների դատական նիստին։
