19.09.2026 | 16:22
Երևանում կանցկացվի բժշկական զբոսաշրջության գլոբալ համաժողով
Կիմ Չեն Ընը ներողություն է խնդրել Սեուլից՝ հարավկորեացի պաշտոնյային սպանելու համար․ Սեուլը ներել է
Քաղաքականություն
25.09.2020 | 17:27
Հյուսիսային Կորեայի առաջնորդ Կիմ Չեն Ընը ներողություն է խնդրել Հարավային Կորեայի ժողովրդից՝ իր երկրի ուժայինների կողմից հարավկորեացի պաշտոնյային սպանելու համար, գրում է Yonhap-ը։
Կիմ Չեն Ընի ուղերձում ասվում է, որ նա «խորապես ցավում է, որ ԿԺԴՀ-ի ջրերում գրանցված այդ տհաճ միջադեպի պատճառով հուսախաբ է արել նախագահ Մուն Չժե Ինին ու երկրի այլ քաղաքացիներին», և որ նման բան չէր կարելի թույլ տալ։
Սեպտեմբերի 24-ին Սեուլում հայտարարել էին, որ շաբաթվա սկզբին Դեղին ծովի ջրերում Հանրապետության ծովային և ձկնային տնտեսության նախարարությանը կից ձկնորսական վերահսկողության 47-ամյա աշխատակիցը սպանվել է հյուսիսկորեացի սահմանապահների կողմից, որոնք սպանելուց հետո այրել են նրա մարմինը:
Իր հերթին, Կորեայի Հանրապետությունը հայտարարություն է տարածել այն մասին, որ համոզված է, թե անհրաժեշտ է շարունակել ԿԺԴՀ-ի հետ խաղաղ համագործակցության ճանապարհներ գտնելու փորձերը՝ չնայած առաջացած երկկողմ խնդիրներին, այդ թվում՝ Դեղին ծովում հարավկորեացի պաշտոնյայի սպանությունը։ Այս մասին հայտարարել է Հարավային Կորեայի ԱԳՆ ղեկավար Կան Գյոն Խվան ՄԱԿ-ի Գլխավոր վեհաժողովի 75-րդ նստաշրջանի կապակցությամբ կազմակերպված առցանց սեմինարի ժամանակ։
