30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
ՍԴ նախագահի ընտրության հարցով այսօր կլինի վերջնարդյունք. Էդգար Շաթիրյան. ՏԵՍԱՆՅՈՒԹ
Քաղաքականություն
25.09.2020 | 11:19
Առնվազն ՍԴ նախագահի ընտրության հարցով այսօր կլինի վերջարդյունք, իսկ թե ինչպիսին կլինի վերջարդյունքը, ենթադրություններ չեմ ուզում անել: Այս մասին այսօր լրագրողների հետ զրույցում նշեց ՍԴ դատավոր Էդգար Շաթիրյանը:
Հարցին՝ ինչպե՞ս է վերաբերվում ՍԴ նախագահի միակ թեկնածու Երվանդ Խունդկարյանին, նա պատասխանեց. «Վերաբերմունքս ցույց կտամ քվեարկությամբ, որը լինելու է գաղտնի»:
Անդրադառնալով Հրայր Թովմասյանի հայտարարությանը, թե ՍԴ նախագահի ընտրության հարցում, հնարավոր է, կա պայմանավորվածություն, Շաթիրյանը նշեց, որ ՍԴ յուրաքանչյուր դատավոր ազատ է արտահայտել իր կարծիքը այս կամ այն հարցի վերաբերյալ․ «Ես այդպիսի տպավորություն չունեմ, որ պայմանավորվածություն կա»:
Շաթիրյանը նշեց նաև, որ ինքը հարցեր ունի ՍԴ նախագահի թեկնածու Երվանդ Խուդկարյանին. «Որոշ հարցեր ինձ մոտ գրի եմ առել: Ես ունեմ իմ դիրքորոշումը, եթե չասեմ՝ համոզմունքը այս հարցում: Չեմ ուզենա այս պահին որևէ մեկին թիրախավորել կամ փակագծեր բացել»:
Մանրամասները՝ տեսանյութում:
