19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
ԱՄՆ-ն նոր պատժամիջոցներ է սահմանել Իրանի դեմ՝ ըմբիշ Աֆքարիին մահապատժի ենթարկելու համար
Քաղաքականություն
25.09.2020 | 11:02
ԱՄՆ-ն պատժամիջոցներ է սահմանել Իրանի մի շարք պաշտոնյաների նկատմամբ՝ մարդու իրավունքների կոպիտ խախտումների համար։ Պատժամիջոցներ են կիրառվել նաև այն դատավորի նկատմամբ, որը մահապատժի վճիռ է կայացրել իրանցի հայտնի ըմբիշի գործով, գրում է Reuters-ը։
ԱՄՆ պետքարտուղար Մայք Պոմպեոն հայտարարել է, որ Միացյալ Նահանգները պատժամիջոցներ են սահմանել Շիրազի, Ադել Աբադի հեղափոխական դատարանի 1-ին մասնաճյուղի դատավորներ Սեյեդ Մահմուդ Սադաթիի ու Մոհամադ Սոլթանիի նկատմամբ։ Պատժամիջոցների թիրախում են հայտնվել նաև Ուրմիայի և Վաքիլաբադի ուղղիչ հիմնարկները:
Իրանի ու Վենեսուելայի հարցերով հատուկ ներկայացուցիչ Էլիոթ Աբրամսը հայտարարել է, որ պատժամիջոցների թիրախում է հայտնվել այն դատավորը, որը մահապատժի է դատապարտել իրանցի հանրահայտ ըմբիշ Նավիդ Աֆքարիին:
«ԱՄՆ-ն հանձնառու է պատասխանատվության ենթարկել նրանց, ովքեր ժխտում են Իրանի ժողովրդի ազատությունն ու արդարությունը»,- ասել է Էլիոթ Աբրամսը։
Իրանական լրատվամիջոցների հաղորդմամբ՝ 27-ամյա Նավիդ Աֆքարին ձերբակալվել և մահապատժի է դատապարտվել 2018 թվականի հակակառավարական ցույցերին մասնակցելու մեղադրանքով, ինչպես նաև Շիրազ քաղաքում անվտանգության աշխատակցի սպանության համար։
