18.11.2024 | 12:37
Հեռանում եմ հանգիստ և խաղաղ․ Գնել Սանոսյանը աշխատանքից ազատման դիմում է գրել
Ադրբեջանի սահմանամերձ գյուղերում բնակիչների տների բակերում ապաստարանների կառուցման աշխատանքներ են ընթանում
Քաղաքականություն
24.09.2020 | 21:45
«Ազատություն» ռադիոկայանի ադրբեջանական ծառայությունը ռեպորտաժ է պատրաստել երկրի սահմանամերձ գյուղերից մեկից՝ ներկայացնելով, թե իրավիճակ է այնտեղ։
Նշենք, որ պարբերաբար տեղեկություններ են հայտնվում այն մասին, որ հուլիսին տեղի ունեցած մարտերից հետո Ադրբեջանի առաջնագծին մոտ գտնվող ու սահմանամերձ գյուղերում ակտիվորեն ռազմական նախապատրաստական աշխատանքներ են ընթանում։
Լրագրողները եղել են Աղդամ գյուղում և համոզվել, որ իսկապես բավական ակտիվ աշխատանքներ են տարվում։ Բնակիչներն իրենք են տների բակերում ցույց տալիս փորված խրամատները, կառուցվող ապաստարանները ու պատմում իրավիճակի մասին։ Նշենք, որ այս բնակավայրի մայրուղու երկայնքով էլ ամրացված են Թուրքիայի ու Ադրբեջանի դրոշները։
Ի դեպ՝ Ադրբեջանի տարբեր բնակավայրերում ու գյուղերում Թուրքիայի դրոշների ներկայությունը հուլիսյան մարտերից հետո սովորական երևույթ է դարձել, որով փորձ է արվում ևս մեկ անգամ բնակչության շրջանում ամրապնդել երկրում թուրքական բանակի տեղակայման անհրաժեշտությունը։
Ադրբեջանի սահմանամերձ շրջանում ակտիվ նախապատրաստական աշխատանքերի մասին ավելի վաղ հաղորդել էր նաև BBC-ի ադրբեջանական ծառայությունը։ Ի դեպ՝ Ադրբեջանի Պաշտպանության նախարարությունը պաշտոնապես դեռևս որևէ կերպ չի մեկնաբանել սահմանամերձ շրջաններում իրականացվող աշխատանքները։
Էմմա Չոբանյան
