12.10.2026 | 16:10
ՆԱՏՕ-ի բարձրագույն հրամանատարը կզգուշացնի Ռուսաստանին դաշինքի՝ հակահարված հասցնելու կարողության վերաբերյալ
Ո՞ր երկրները չեն ճանաչել Ալեքսանդր Լուկաշենկոյի լեգիտիմությունը
Քաղաքականություն
24.09.2020 | 17:02
Սեպտեմբերի 23-ին Մինսկում տեղի է ունեցել Բելառուսի նախագահի երդմնակալության արարողությունը, որի մասին, ինչպես արդեն հայտնել էինք, նախապես հրապարակայնորեն չի հայտարարվել։
Սակայն երդմնակալության արարողությունը նույնպես չի փրկել Ալեքսանդր Լուկաշենկոյին․ նրան որպես Բելառուսի լեգիտիմ նախագահ չեն ճանաչել մի շարք պետություններ, այդ թվում՝ Գերմանիան, Մեծ Բրիտանիան, Դանիան, Կանադան, Լատվիան, Լիտվիան, Նիդերլանդները, Լեհաստանը, Սլովակիան, ԱՄՆ, Ուկրաինան, Չեխիան։ Եվրամիությունը ևս օրինական չի համարում Լուկաշենկոյի պաշտոնավարումը։
Լուկաշենկոյի՝ մեծ աղմուկ բարձրացրած գաղտնի երդմնակալության արարողությունից հետո վերջինին շնորհավորել է միայն Թուրքմենստանը։
Ավելի վաղ մամուլում սկսեցին լուրեր շրջանառվել, թե Լուկաշենկոյի աջակից ՌԴ նախագահ Վլադիմիր Պուտինը ևս չի շնորհավորել նրան, սակայն Կրեմլի խոսնակ Դմիտրի Պեսկովը շտապեց հանդես գալ հայտարարությամբ՝ նշելով, թե «Ռուսաստանի նախագահն արդեն շնորհավորել է Լուկաշենկոյին ընտրություններում հաղթելու կապակցությամբ, նախ՝ հեռախոսով, իսկ ավելի ուշ՝ նաև Սոչիում դեմ առ դեմ աշխատանքային հանդիպման ժամանակ, իսկ երդմնակալությունից հետո շնորհավորելն արարարողակարգով պարտադիր չէ»։
Հավելենք, որ Բելառուսում շարունակվում են խաղաղ բողոքի ցույցերն ընդդեմ կեղծված ընտրությունների։ Երկրի ուժայինները կոշտ ուժ են կիրառում ցուցարարների ցրելու համար։
