06.11.2026 | 01:59
Եվրոպա լիգա. «Արարատ-Արմենիան» ցավալի պարտություն կրեց Պորտուգալիայում. ՏԵՍԱՆՅՈՒԹ
Եվրամիությունը հրաժարվել է ճանաչել Լուկաշենկոյին որպես Բելառուսի լեգիտիմ նախագահ
Քաղաքականություն
24.09.2020 | 10:24
Ալեքսանդր Լուկաշենկոյի երդմնակալության արարողությունը չունի լեգիտիմ ուժ, քանի որ Բելառուսում խորանում է ճգնաժամը։ Այս մասին, ինչպես հայտնում է ria.ru-ն, ասվում է Եվրամիության դիվանագիտության ղեկավար Ժոզեպ Բորելի հայտարարությունում։
«Եվրամիությունը կրկին հաստատում է, որ Բելառուսում օգոստոսի 9-ին գրանցված նախագահական ընտրությունները չեն եղել ո՛չ ազատ և ո՛չ էլ արդար։ ԵՄ-ն չի ճանաչում դրանց արդյունքները, քանի որ դրանք կեղծված են։ Ելնելով այս ամենից ՝ 2020 թ սեպտեմբերի 23-ի, այսպես կոչված, երդմնակալությունը ու նոր նախագահական մանդատը, որին հավակնում է Լուկաշենկոն, զուրկ է ցանկացած դեմոկրատական օրինականությունից»,- ասվում է փաստաթղթում։
Հիշեցնենք, որ Բելառուսում նախագահական ընտրությունները տեղի էին ունեցել օգոստոսի 9-ին, որոնցից անմիջապես հետո երկրում սկսվել են զանգվածային բողոքի ցույցեր։
