18.04.2026 | 20:30
TikTok-յան քաղաքական պատերազմներ․ ինչպես են ԱԲ-ով կեղծում իրականությունը․ ՏԵՍԱՆՅՈւԹ
Նիկոլ Փաշինյանը Ռուսաստան մեկնողների խնդիրը բարձրաձայնելու է Մոսկվայում. ՏԵՍԱՆՅՈՒԹ
Հասարակություն
23.09.2020 | 14:58
Երեկ գիշերվանից ՌԴ մեկնել ցանկացող քաղաքացիներից մի քանիսը անժամկետ հացադուլ են սկսել: Նրանք «Հացադուլ, սպասում ենք վարչապետի դրական պատասխանին» գրությամբ պաստառներով Կառավարության դիմաց են, պահանջը մեկն է, որպեսզի ՌԴ-ն բացի սահմանները, և իրենք կարողանան վերադառնալ իրենց ընտանիքների մոտ:
Հացադուլ հայտարարած քաղաքացիներից մեկը նշեց, որ այսօր առավոտյան երկու հոգով հանդիպել են վարչապետ Նիկոլ Փաշինյանին, և վարչապետն ասել է, թե սահմանների չբացվելը կապված է կորոնավիրուսի համավարակի ցուցանիշների հետ:
«Մենք առաջարկեցինք փուլ առ փուլ լուծում տալ հարցին: Գոնե ամեն օր ակցիային մասնակցողների՝ 200 հոգու հարցը լուծվի: Վարչապետը խոստացավ հնարավորինս շուտ լուծել այս հարցը: Հիմա սպասում ենք վարչապետի պատասխանին»,- նշեց ակցիայի մասնակիցը:
Նա նաև հավելեց, որ մինչև Կառավարությունից հստակ պատասխան ստանալը կշարունակեն բողոքի ակցիա, այդ թվում՝ հացադուլ իրականացնել:
Հիշեցնենք, որ տևական ժամանակ է՝ ՌԴ-ից Հայաստան եկած բազմաթիվ ՀՀ քաղաքացիներ արդեն մի քանի ամիս է, ինչ այստեղ են, և չեն կարողանում վերադառնալ: Այդ քաղաքացիները պարբերաբար բողոքի ակցիաներ են իրականացնում Կառավարության և Ազգային ժողովի դիմաց՝ պահանջելով իրենց խնդրին լուծում տալ:
Մանրամասները՝ տեսանյութում:
