18.10.2026 | 11:20
Կոտայքի մարզի Առինջ բնակավայրում գործարկվելու են էլեկտրաշչակներ
Էրդողանը ՄԱԿ-ում բողոքել է Հայաստանից՝ Հարավային Կովկասում խաղաղության խոչընդոտ որակելով
Քաղաքականություն
23.09.2020 | 12:35
Թուրքիայի նախագահ Ռեջեփ Թայիփ Էրդողանը ՄԱԿ-ի Գլխավոր վեհաժողովի 75-րդ նստաշրջանում ունեցած ելույթում անդրադարձել է մի շարք թեմաների՝ չշրջանցելով նաև հուլիսին հայ-ադրբեջանական սահմանին տեղի ունեցած մարտական գործողությունների թեման։
Էրդողանը, ինչպես միշտ, ամեն ինչում մեղադրել է Հայաստանին՝ հայտարարելով, թե Հարավային Կովկասում Հայաստանը խաղաղության ու կայունության հիմնական խոչընդոտն է։
«Հայաստանը, որը հուլիսին հարձակվել էր Ադրբեջանի տարածքների վրա, նորից ապացուցեց, որ հանդիսանում է Հարավային Կովկասում երկարատև խաղաղության ու կայունության ամենամեծ խոչընդոտը»,- ասել է Էրդողանը։
Բացի այդ, նա նշել է, թե Թուրքիան տարածաշրջանում հակամարտությունների լուծման կողմնակիցն է՝ Լեռնային Ղարաբաղի հակամարտության գլխավորությամբ, և որ դրանք պիտի լուծվեն Ադրբեջանի ու Վրաստանի տարածքային ամբողջականության ու ինքնիշխանության շրջանակում, ՄԱԿ-ի ու ԵԱՀԿ-ի որոշումների հիման վրա։
Էմմա Չոբանյան
