10.09.2026 | 14:02
Գագիկ Խաչատրյանին դարձյալ պատգարակով դատարան էին բերել․ ՏԵՍԱՆՅՈՒԹ
«Այդպիսի մարդկանց պետք է գլխատել»․«Դառը ճշմարտությունն են ասել». քաղաքացիների արձագանքը՝ աղքատ ընտանիքների վերաբերյալ ՀՀԿ-ական պատգամավորների հայտարարությունների շուրջ
Հասարակություն
11.12.2017 | 15:51
Ֆրանսիական մեծ հեղափոխությունից առաջ, երբ Ֆրանսիայի թագուհի Մարիա Անտուանետային ասել էին, որ մարդիկ հաց չունեն ուտելու, նա պատասխանել էր՝ հաց չունեն, թող թխվածք ուտեն: Գիլյոտինի վրա կյանքն ավարտած թագուհու այս խոսքերը ոմանք գնահատում են որպես ցինիզմի և ամբարտավանության, ոմանք էլ՝ իրականությունից կտրված լինելու արդյունք:
Օրերս Աժ ՀՀԿ-ական պատգամավոր Հակոբ Հակոբյանի, ապա և նրա գործընկեր Խոսրով Հարությունյանի արած հայտարարությունները ևս սուր քննադատության տեղիք տվեցին: Հակոբյանն ասել էր, թե աղքատները միևնույն է կարագ ու միս չեն գնում, թանկացումը նրանց վրա չի ազդի: Իսկ Խոսրով Հարությունյանն էլ ասել էր՝ կան ընտանիքներ, որոնք միևնույն է կարտոֆիլ են օգտագործում, մսի և կարագի թանկացումը նրանց չի վերաբերվում:
Փաստորեն՝ իշխող ուժի ներկայացուցիչներն արձանագրում են, որ նրանց իշխանավարման արդյունքում Հայաստանում ձևավորվել են ընտանիքների տարբեր տիպեր՝ մսակերներ և կարտոֆիլակերներ: Factor.am-ը հարցում անցկացրեց քաղաքացիների շրջանում, պարզելու՝ ինչ են մտածում այս մասին շարքային քաղաքացիները, ինչպես են նրանք գնահատում իշխող հանրապետական կուսակցության ներկայացուցիչների այս հայտարարությունները:
Լիլիթ Շաբոյան
