10.10.2026 | 15:45
Զինծառայողի մահվան դեպքով քրեական վարույթ է նախաձեռնվել․ ՔԿ-ն չի հստակեցնում՝ ինչ հոդվածով
Պուտինը կարգադրել է դուրս բերել ռուսական զորքը Սիրիայից
Քաղաքականություն
11.12.2017 | 14:51
ՌԴ նախագահ Վլադիմիր Պուտինը կարգադրել է սկսել ռուսական զորքի դուրս բերումը Սիրիայից: Այս մասին ՌԴ նախագահը հայտարարել է այսօր առավոտյան Սիրիայի ռուսական «Հմեյմիմ» ավիաբազայում. հայտնում է kommersant.ru-ն:
Վլադիմիր Պուտինին դիմավորել են Սիրիայի նախագահ Բաշար Ասադը, Ռուսաստանի պաշտպանության նախարար Սերգեյ Շոյգուն և Սիրիայում ռուսական զինուժի հրամանատար Սերգեյ Սուրովկինը:
Զինծառայողների առաջ ելույթ ունենալիս Պուտինը նշել է, որ ռուսական զինված ուժերը Սիրիայի բանակի հետ միասին պարտություն են մատնել Սիրիայում միջազգային ահաբեկչական խմբավորմանը: «Դուք հաղթանակով եք վերադառնում ձեր հայրենի օջախներ, ձեր հարազատների, ծնողների, կանանց, երեխաների ու ընկերների մոտ: Հայրենիքը սպասում է ձեզ, ընկերներ: Բարի ճանապարհ: Շնորհակալություն ձեր ծառայության համար», – ասել է ՌԴ նախագահը:
