05.11.2026 | 19:04
Գուրգեն Արսենյանը պարգևատրվել է ՌԴ ԱԳՆ «Փոխգործակցության համար» կրծքանշանով
Պատրաստվում եք բոլորին թողնել անգործ և 0-ից անձնակա՞զմ հավաքել․ Մարուքյանը` փոխնախարարին. ՏԵՍԱՆՅՈՒԹ
Քաղաքականություն
22.09.2020 | 11:29
Ազգային ժողովը, Կառավարության նախաձեռնությամբ, այսօր արտահերթ նիստ է գումարել։ Օրակարգում ՀՀ Աշխատանքի և սոցիալական հարցերի նախարարությանը ձեռնարկած կառուցվածքային փոփոխությունների հարցն է, որոնց նպատակն է՝ ստեղծել սոցիալական կարիքների գնահատման միասնական համակարգ։
«Լուսավոր Հայաստան» խմբակցության ղեկավար Էդմոն Մարուքյանը, դիմելով աշխատանքի և սոցիալական հարցերի նախարարի տեղակալ Աննա Ժամակոչյանին, ներկայացրեց իրենց մտավախությունը։
«Լուրեր կան առ այն, որ եղած անձնակազմը, որն այսօր աշխատում է, պատրաստվում եք բոլորին թողնել անգործ և 0-ից անձնակազմ հավաքել։ Մարդիկ հիմա շունչները պահած սպասում են որոշմանը, և ձևափոխումը հենց դրանով է պայմանավորված, որ լուծարվում է մի մարմին, և Դուք ասում եք, որ նոր մարմին եք ստեղծում: Հիմա կան ներդրում, ավանդ ունեցող մարդիկ, նրանք ի՞նչ երաշխիք ունեն, որ իրենց հետ պայմանագիր է կնքվելու, թե՞ դուրս եք թողնելու երկար տարիներ աշխատածներին»,- նշեց Մարուքյանը։
Աննա Ժամակոչյանը պատասխանեց, որ ժամկետային աշխատանքային պայմանագիր կնքելու հնարավորությամբ, փոփոխությունները ներմուծելով, հնարավորություն է ստեղծվում վաստակ ունեցող աշխատողներին անմիջապես նշանակելու և սահմանված կարգով մրցույթներ կազմակերպելու:
«Բոլորը հավասար իրավունքներով կկարողանան մասնակցել մրցույթներին և հաղթելու դեպքում կանցնեն աշխատանքի»,- նշեց փոխնախարարը:
Նա նաև հավելեց, որ որևէ պետական գործիչ չի կարող երաշխիք տալ մրցութային կարգով անցկացվող գործընթացին․ «Դա կլինի հակաօրինական։ Արդարությունը երաշխավորում ենք, ոչ մի հիմք չունենք մրցույթներին կասկածելու համար»։
Մանրամասները՝ տեսանյութում:
