25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Իշխող ուժը պետք է խաղաղ հանձնի իշխանությունը 2023 թվականին. Էդմոն Մարուքյան. ՏԵՍԱՆՅՈՒԹ
Քաղաքականություն
22.09.2020 | 11:27
ԱԺ «Լուսավոր Հայաստան» խմբակցության ղեկավար Էդմոն Մարուքյանը տեղյակ չէ ԲՀԿ, «Հայրենիք» և ՀՅԴ կուսակցությունների հրավիրած հանրահավաքից, և տեղյակ չէ՝ ինչ օրակարգով է այն հրավիրվել: Խորհրդարանում ճեպազրույցների ժամանակ պատգամավորն ասաց, որ համագործակցում են տարբեր ուժերի հետ, միասնական որոշակի նախաձեռնություններ են իրականացնում, եթե օրակարգերը համընկնում են:
«Մինչ օրս մեր օրակարգը համընկել է ԲՀԿ-ի օրակարգի հետ՝ կապված ՍԴ դիմելու, կորոնավիրուսի քննիչ հանձնաժողով և այլ քննիչ հանձնաժողովներ ստեղծելու հետ: Մնացած մասով յուրաքանչյուր ուժ ունի իր օրակարգը, և այդտեղ նոր բան չկա, երբ որևէ ուժ հանրահավաք է կազմակերպում»,- նշեց Մարուքյանը:
Հարցին՝ եթե հանրահավաքի ժամանակ հնչի Կառավարության հրաժարականի պահանջ, խմբակցությունը կմիանա՞, Մարուքյանը պատասխանեց, որ եթե «Լուսավոր Հայաստանը» ունենա իշխանության հրաժարականի պահանջ, ապա խորհրդարանում կնախաձեռնի իմփիչմենթի գործընթաց:
««Լուսավոր Հայաստանը» չի սպասում, որ մեկը մի բան հայտարարի, վազի, գնա, միանա այդ հայտարարությանը։ «Լուսավոր Հայաստանն» ինքն է որոշում՝ ինչ հայտարարի: Եվ եթե պետք լինի մեր նախաձեռնած հարցի շուրջ կոնսոլիդացիա, մենք կնախաձեռնենք հանդիպումներ: Իշխանության հրաժարականի կոչերն էլ պետք է ունենան հստակ կառուցվածք»,- նշեց ԼՀԿ ղեկավարը:
Մանրամասները՝ տեսանյութում:
