19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Բելառուսում ցույցերը կարող են տարիներ տևել, եթե հարկ լինի․ Տիխանովսկայա
Քաղաքականություն
21.09.2020 | 18:19
Բելառուսում ցույցերը չեն թուլանալու, դրանք կարող են շաբաթներ, ամիսներ կամ նույնիսկ տարիներ տևել։ Եվրախորհրդի արտաքին հարաբերությունների հանձնաժողովի՝ Բելառուսի իրավիճակին նվիրված արտահերթ նիստում հայտարարել է նախագահի նախկին թեկնածու Սվետլանա Տիխանովսկայան, գրում է ՏԱՍՍ-ը։
Նրա խոսքով՝ գործող նախագահ Ալեքսանդր Լուկաշենկոն հույս ունի, որ ցույցերն աստիճանաբար կթուլանան։
«Բայց մենք բողոքելու ենք այնքան, որքան հարկ լինի՝ շաբաթներ, ամիսներ կամ նույնիսկ տարիներ»,- հավաստել է Տիխանովսկայան։
Մինչ այդ, Բելառուսի ՆԳՆ խոսնակ Օլգա Չեմոդանովան հայտնել է, որ սեպտեմբերի 20-ին երկրի տարբեր բնակավայրերում անցկացված բողոքի ակցիաներին ավելի քան 20 հազար մարդ է մասնակցել, այդ թվում միայն Մինսկում՝ 18 հազար։
Երկրի ՆԳՆ-ն հաղորդել է նաև 442 մարդու ձերբակալության մասին, որոնցից 266-ը՝ Մինսկում։
