11.09.2026 | 18:43
ԱԺ խորհուրդը հաստատել է սեպտեմբերի 14-ի հերթական նիստերի օրակարգի նախագիծը
ՀՀ բնակչությունը մինչև 2050 թվականը հասցնել 5 մլն․-ի, միջին աշխատավարձը՝ յոթնապատկել․ Փաշինյան. ՏԵՍԱՆՅՈՒԹ
Հասարակություն
21.09.2020 | 13:56
Վարչապետ Նիկոլ Փաշինյանը ներկայացնում է Հայաստանի վերափոխման ռազմավարությունը՝ մինչև 2050 թվականը Հայաստանի զարգացմանն ուղղված համահայկական օրակարգը:
«Մինչև 2050 թվականը Հայաստանի բնակչությունը պետք է հասցնել առնվազն 5 միլիոնի։ Մինչև 2050 թվականը պետք է ստեղծվի 1500 նոր աշխատատեղ: Աղքատությունը պետք է հաղթահարենք աշխատանքով»,- ասաց Նիկոլ Փաշինյանը` ներկայացնելով Հայաստանի վերափոխման ռազմավարությունը:
Նա նաև ընդգծեց, որ աշխատանքով աղքատությունը հնարավոր է հաղթահարել կրթության շնորհիվ․ «Պետականությունը պետք է անհատին քաջալերի, դրդի կրթության և կրթության արդյունքում ձևավորված ներուժը պիտի աղքատության հաղթահարման հնարավորություն տա»:
«Պետք է քսանապատկենք ՀՀ ՀՆԱ-ն, յոթնապատկենք միջին աշխատավարձը… Մինչև 2050-ը առողջ ապրելակերպը պետք է դարձնենք ազգային հատկանիշ, և Հայաստանի բնակչությունը պետք է լինի առնվազն 5 միլիոն»,- ընդգծեց Նիկոլ Փաշինյանը:
Մանրամասները՝ տեսանյութում:
