15.11.2024 | 12:34
Զելենսկին հայտարարել է, որ հաջորդ շաբաթ կներկայացվի երկրի «Դիմադրողականության պլանը»
Այդ ձայնի հաշվին Խոսրով Հարությունյանը դարձել է պատգամավոր. Էդմոն Մարուքյանը ՀՀԿ-ական պատգամավորներին մանդատից զրկելը տեղին չի համարում
Քաղաքականություն
11.12.2017 | 11:57
Հանրապետական խմբակցության պատգամավորներ Հակոբ Հակոբյանին և Խոսրով Հարությունյանին պատգամավորական մանդատները վայր դնելու պահանջ ներկայացնելը տեղին չէ: Այս մասին այսօր խորհրդարանական ճեպազրույցների ժամին ասաց ընդդիմադիր «Ելք» խմբակցության պատգամավոր Էդմոն Մարուքյանը:
«Պատգամավորը չի կարող հետապնդվել իր կողմից արված որևէ հայտարարության համար, եթե դա զրպարտություն, վիրավորանք չէ կոնկրետ անձի հասցեին»,- ասաց ընդդիմադիր պատգամավորը՝ հիշեցնելով, որ դրանք այն պատգամավորներն են, որոնց ընտրել են Հայաստանի քաղացիները:
Պատգամավորն ասաց՝ հանրապետականին ձայն տվողները չպետք է նեղանան նման հայտարարություններից. «Թող մարդիկ տեսնեն՝ ում են ձայն տալիս: Պատգամավորի հետ կանչման մեխանիզմը մեր երկրում, որ ասում են մանդատը վայր դնի, չգիտեմ ինչեր անի, հետևյալն է՝ պետք է հաջորդ ընտրություններին այդ մարդիկ ձայն չհավաքեն: Բայց բոլորս գիտենք, չէ՞, ոնց են ձայն հավաքում հանրապետականները: Ամեն մարզում ձեր մարզի հեղինակությանը, թաղի ճիժին, որ ասել եք ընտրենք, լավ տղա է, նրան ընտրել եք, այդ ձայնը եկել- հասել է Խոսրով Հարությունյանին: Այդ ձայնի հաշվին Խոսրով Հարությունյանը դարձել է պատգամավոր»:
Հիշեցնենք՝ ավելի վաղ Factor.am-հետ զրույցում ՀՀԿ-ական պատգամավոր Խոսրով Հարությունյանն ասել էր. «Պատկերացրեք՝ կա ընտանիք, որը միայն կարտոֆիլ է օգտագործում: Հիմա եթե միսը թանկ է կամ էժան, ինքը միևնույն է գումար չունի միս գնելու, շարունակում է կարտոֆիլ օգտագործել»: Խոսրով Հարությունյանի և ՀՀԿ-ական մեկ այլ պատգամավոր Հակոբ Հակոբյանի հայտարարությունները բուռն քննադատության արժանացան համացանցում, ավելին՝ որոշ օգտատերեր նախաձեռնությամբ հանդես եկան՝ պահանջելով պատգամավորներին զրկել մանդատից:
Շողիկ Գալստյան
