22.01.2026 | 21:39
Մակրոնը հայտնել է Ֆրանսիայի ՌԾՈՒ-ի կողմից պատժամիջոցների ներքո գտնվող ռուսական լցանավի կալանման մասին
Ընտրությունները ե՞րբ չեն կեղծվել. Արմեն Ռուստամյան
Քաղաքականություն
11.12.2017 | 11:45
ԱԺ ՀՅԴ խմբակցության ղեկավար Արմեն Ռուստամյանը չի հերքում՝ տարբեր համայնքի ղեկավարների կողմից գրանցվել են պաշտոնեական դիրքի չարաշահումներ: Այս մասին այսօր խորհրդարանական ճեպազրույցների ժամին ասաց Ռուստամյանը:
«Եղել են ահազանգեր, որոնց մասին մենք բոլորս գիտենք, բայց դրանց հետևից գնացող չի եղել։ Նախագահն ասում է, որ այսուհետ գործընթացն իր հունով ընթանալու է», – հայտարարեց պատգամավորը՝ նկատելով, որ այդ մասին բարձրաձայնելը շատ կարևոր է:
Հիշեցնենք՝ համայնքի ղեկավարների կողմից չարաշահումների մասին խոսել է անձամբ հանրապետության նախագահ Սերժ Սարգսյանն՝ այդ մասին ուշագրավ հայտարարությամբ:
Իսկ թե ինչու այդ չարաշահումներին չեն հետևել քրեական գործերի հարուցումներ, պատգամավորն այսպես բացատրեց. «Նախագահը քրեական գործեր հարուցելու իրավասություն չունի, բայց նորմալ է, որ խոսի այս մասին։ Կարծում եմ՝ սա նախազգուշացում է բոլոր նրանց համար, ովքեր պետք է վեր հանեն այս դեպքերն ու իրավական հետաքննություն սկսվի: Եղել են նման մարդիկ ու չեն բռնվել, պատաճառները գիտենք, թե որտեղ են թացնված։ Եթե մենք ունենք արդարադատություն, որտեղ մեկ անձով է ամեն ինչ պայմանավորված, այդպես էլ պետք է լիներ։ Նման դրսևորումները նոր Հայաստանում չեն լինելու։ Համակարգն այնպիսին է լինելու, որ վերահսկողները շատ են լինելու, մի հոգի չի լինելու»։
Մանրամասները՝ տեսանյութում:
Շողիկ Գալստյան
