20.05.2026 | 13:16
Հուշել եմ՝ միլիոնավոր դոլարների է հասնում, մանրամասնել չեմ կարող․ Հայրապետյանը՝ զենքի արտահանման մասին․ ՏԵՍԱՆՅՈՒԹ
Շարունակվում են Աֆղանստանի կառավարության և Թալիբանի միջև բանակցությունները
Քաղաքականություն
20.09.2020 | 19:37
Աֆղանստանի կառավարության և Թալիբանի պատվիրակները շարունակում են բանակցություններ սկսելու պայմանները կարգավորող աշխատանքները: ԱՄՆ-ի միջնորդությամբ կազմակերպվող բանակցությունների նպատակը իշխանությունը կիսելու միջոցով երկրում խաղաղություն հաստատելն է: Սակայն այս ընթացքում ևս բախումներն Աֆղանստանի կառավարական և Թալիբանի ուժերի միջև շարունակվում են, որոնց ընթացքում գրանցվում են ծանր կորուստներ:
Ապստամբ ուժերը մերժում են հրադադար սկսելու կոչերը, քանի դեռ չեն սկսվել լայն քաղաքական գործարքի շուրջ Քաթարում անցկացվելիք բանակցությունները:
Թալիբանը պնդում է, որ բանակցությունների սեղանին պիտի դրվի Աֆղանստանը կառավարելու համար «իսլամական համակարգ» հաստատելու հարցը: Արմատական այս խմբավորումը հավատացած է, որ այստեղ խաղաղություն կհաստատվի միայն իսլամական կառավարման դեպքում ու այս դեպքում երկրում կդրվի բոլոր խնդիրների վերջը, կվերանան կոռուպցիան և քրեական մյուս հանցագործությունները:
Թալիբանն Աֆղանստանի ներկա կառավարման համակարգը համարում է անօրինական և «Ամերիկայի կողմից երկիրն օկուպացնելու արդյունք»:
Աֆղանստանի կառավարությունը պաշտպանում է քաղաքական ներկա համակարգը ու ցույց չի տալիս նման հարցում Թալիբանի հետ համաձայնության գալու նշաններ:
Աֆղանստանի կառավարության և Թալիբանի միջև բանակցություններ սկսելու գործընթացը նախաձեռնվել էր ԱՄՆ-ի կողմից, որը Թալիբանի հետ փետրվար ամսին կնքեց երկրից ամերիկյան 8600 թվակազմով բոլոր ուժերը մինչև 2021 թվականի մայիս ամիսը դուրս բերելու և Ամերիկան այս պատերազմից հանելու մասին գործարք:
Նախագահ Դոնալդ Թրամփն ուրբաթ օրը հայտարարեց, որ Թալիբանը «կարծր ու խելացի» առաջնորդներ ունի ու ավելացրեց, որ Թալիբանի ու իր վարչակազմի միջև առկա առաջադրանքները կատարվում են: Նրա խոսքերով, ամերիկյան ուժերի թվակազմը եկող մի քանի շաբաթների ընթացքում կիջնի մինչև չորս հազարի:
