19.04.2026 | 15:05
Վաղը Երևանում սպասվում է ինտենսիվ անձրև
Եվրոպայում COVID-19-ի դեպքերի թիվը գերազանցում է մարտի տվյալներին. Ռուսաստանում կամավորները սկսել են պատվաստվել
Քաղաքականություն
19.09.2020 | 14:35
Կորոնավիրուսի դեպքերի թիվը Եվրոպայում այժմ գերազանցում է մարտին գրանցված թվերին, երբ համաճարակը առաջին անգամ հասել էր գագաթնակետին: Այդ մասին հայտնել է Առողջապահության համաշխարհային կազմակերպության (ԱՀԿ) տարածաշրջանային տնօրենը. գրում է VOA-ն:
Վերջին երկու շաբաթվա ընթացքում Եվրոպայի երկրների կեսից ավելին դեպքերի թվի առնվազն 10%-ի աճ է գրանցել:
«Սեպտեմբերի դեպքերի թիվը, սակայն, պետք է սթափեցնող կոչ լինի բոլորիս համար: Թեև այս թվերը խոսում են ավելի լայնածավալ թեստավորումների մասին, բայց նաև ցույց են տալիս վիրուսի տարածման տագնապալի տեմպերը ողջ տարածաշրջանում»,- ասել է դոկտոր Հանս Քլուգը:
Համաճարակի սկզբից ի վեր Եվրոպայում դեպքերի ընդհանուր թիվը 4,893,614 է, մահացածների թիվը՝ 226,524:
Վիրուսի դեմ պատվաստանյութի առաջին մասշտաբային կիրառումը սկսվել է Ռուսաստանում: Կամավորները Մոսկվայում սկսել են պատվաստվել ռուսական պատվաստանյութով՝ մասնակցելով ավելի լայնածավալ ուսումնասիրությանը:
«Sputnik-V» պատվաստանյութի լայնածավալ փորձարկումների երրոդ փուլին մասնակցում է առնվազն 40,000 մարդ: Նախնական արդյունքները սպասվում են հոկտեմբեր կամ նոյեմբեր ամիսներին:
