05.08.2026 | 22:29
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Օրենք է պետք բերել՝ պատգամավորը կարո՞ղ է իր անունը ճիշտ գրել, նկարագրել՝ ինչպես անցկացրեց ամառը, թեժ աշունը. Արթուր Մանուկյան. ՏԵՍԱՆՅՈՒԹ
Քաղաքականություն
18.09.2020 | 16:00
Կողմ եմ «Բարգավաճ Հայաստան»-ի առաջարկին՝ հոգեկան հիվանդները, նաև՝ անգրագետները չպիտի լինեն պաշտոնյա։ Այդ մասին այսօր Factor.am-ի հետ զրույցում ասաց իշխող ուժի պատգամավոր Արթուր Մանուկյանը՝ խոսելով ԲՀԿ-ի կողմից մշակվող նախագծի մասին, ըստ որի՝ հոգեկան խնդիրներ ունեցողներին չթույլատրվի բարձր պաշտոններ զբաղեցնել։
Պատգամավորը կարծում է, որ մեկ այլ օրենքի անհրաժեշտություն էլ կա խորհրդարանի դեպքում. «Օրենք է պետք բերել, որով ճշտվի՝ պատգամավորը կարո՞ղ է իր անուն-ազգանունը մինչև վերջ ճիշտ գրել, նկարագրել՝ ինչպես անցկացրեց ամառը, թեժ աշունը»։
Մյուս կողմից Մանուկյանը պնդում է՝ գործարարությամբ զբաղվողները նույպես չպետք է լինեն խորհրդարանում: «Ժողովուրդ ջան, բիզնեսմեններին մի գործուղեք ԱԺ»,- դիմեց նա քաղաքացիներին։
Դիտարկմանը՝ չի՞ կարծում, որ հենց վարչապետ Նիկոլ Փաշինյանն արդարացրեց ԲՀԿ նախագահ Գագիկ Ծառուկյանի ներկայությունը խորհրդարանում, երբ ասաց, որ նա օլիգարխ չէ, այլ խոշոր սեփականատեր՝ Մանուկյանն արձագանքեց. «Ես իմ մեղքի բաժինն ընդունում եմ։ Ես՝ որպես կուսակից ընկեր, Փաշինյանին պետք է ասեի՝ Ծառուկյանն ասել է՝ էլ բիզնեսով չի զբաղվում, մի հավատա»։
Մանրամասները՝ տեսանյութում:
Մերի Մարտիրոսյան
