06.11.2026 | 01:59
Եվրոպա լիգա. «Արարատ-Արմենիան» ցավալի պարտություն կրեց Պորտուգալիայում. ՏԵՍԱՆՅՈՒԹ
Ե՞րբ եք տեսել՝ իշխող ուժը նախկինում Սերժ Սարգսյանի երեսին բան ասի, ես գոնե դա արել եմ. Մարուքյան. ՏԵՍԱՆՅՈՒԹ
Քաղաքականություն
18.09.2020 | 14:22
Իշխող ուժը ե՞րբ է Սերժ Սարգսյանի հետ խոսել, մի անգամ տեսե՞լ եք, որ կանգնեն Սերժ Սարգսյանի երեսին մի բան ասեն, ես գոնե դա արել եմ: Այս մասին այսօր ԱԺ-ում լրագրողների հետ զրույցում ասաց «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով իշխանության ներկայացուցիչների պնդումներին, թե Սերժ Սարգսյանի ժամանակ Մարուքյանը գիտեր իր չափը:
«8 տարի է՝ էս շենքում եմ, բոլորի չափերն անգիր գիտեմ, թե ով իր չափը ոնց է պահել: Ես ուզում եմ ասել, որ մոտավորապես մի 20 օրից Հայաստանում ցրտերը կընկնեն, և դրա համար նույնպես ընդդիմությունն է մեղավոր: Ընդդիմությունն է մեղավոր, որ կորոնավիրուսը շատ է տարածվում է, որ ներդրումները չեն գալիս։ Այս բոլորը նույն համատեքստում են: Ընդդիմությունը ե՞րբ է հատել կարմիր գծերը»,- ասաց Մարուքյանը:
Դիտարկմանը, թե ԼՀԿ-ԲՀԿ հարաբերությունները լավ չեն եղել, ու ինքն ասել է՝ Ծառուկյանն ԱԺ-ում չպետք է լինի, պետք է գնա բիզնեսով զբաղվի, Էդմոն Մարուքյանն արձագանքեց. «Ինչ ասել եմ, իմ խոսքերի տերն եմ: Երբ դա ասում էի, մյուս քաղաքական գործիչները ոչինչ չասացին: Երբ մեր և ԲՀԿ-ի միջև սկսվեց մեծ պատերազմ, էլի ոչ մի բան չասացին: Հիմա բոլորը խոսում են ԲՀԿ-ից՝ և՛ հուշագիր ստորագրողները, և՛ հետը հարսանիք գնացող-քեֆ անողները: Դրա համար եմ ասում՝ չեմ ուզում մտերիմների միջև եղած վեճի մեջ մտնել»,- ասաց Մարուքյանը:
Հարցին՝ այժմ համագործակցու՞մ են ԲՀԿ-ի հետ, Մարուքյանը պատասխանեց՝ որտեղ օրակարգերը համընկնում են, համագործակցում են:
Մանրամասները՝ տեսանյութում:
