Լուկաշենկոն հայտարարել է Լիտվիայի և Լեհաստանի հետ սահմանները փակելու մասին

Բելառուսի նախագահ Ալեքսանդր Լուկաշենկոն հայտարարել է, որ բանակը ստիպված կլինի ուժեղացնել Լիտվայի, Լեհաստանի և Ուկրաինայի հետ սահմանի պաշտպանությունը։ Նրա խոսքով՝ չգիտի, թե ուրիշ ինչ կձեռնարկեն արևմտյան գործընկերները, գրում է ՌԻԱ Նովոստին։

«Մենք հասկանում ենք, որ նրանց զինանոցում շատ հնարքներ չեն մնացել՝ թեժ պատերազմ հրահրելուց առաջ։ Այդ պատճառով մենք ստիպված ենք զորքերը հեռացնել փողոցներից»,- ասել է Լուկաշենկոն։

Նա հստակեցրել է, որ Լիտվայի և Լեհաստանի հետ սահմանը կփակվի, իսկ Ուկրաինայի հետ սահմանի պաշտպանությունը՝ կուժեղացվի։

«Վերջին օրերին ես Ռուսաստանի նախագահի և պաշտպանության նախարարի հետ ստիպված եմ միութենական պետության ընդհանուր պաշտպանություն կառուցել, և մենք ակտիվացրել են վաղուց մոռացված զորավարժությունները, որոնք այսօր տեղի են ունենում երկրի արևմուտքում»,- ասել է Բելառուսի նախագահը։

Ալեքսանդր Լուկաշենկոն նաև հայտարարել է, որ Բելառուսը կանգնած է «սարսափելի աղետի եզրին»։

«Եթե նրանք այստեղ մտնեն, ստիպված կլինենք պատասխանել։ Մենք ծնկի չենք գա, եթե նույնիսկ միայնակ մնանք»,- ասել է նա՝ հավելելով, որ հիմա որոշվում է ոչ միայն Բելառուսի և Ռուսաստանի, այլև ամբողջ Եվրոպայի ճակատագիրը։

Լուկաշենկոն վստահեցրել է, որ խաղաղ մարդ է և չի ցանկանում պատերազմ։

«Առավել ևս՝ չեմ ցանկանում, որ Բելառուսը, նույն Լեհաստանն ու Լիտվան վերածվեն ռազմական գործողությունների թատերաբեմի, որտեղ իրենց հարցերը չէ, որ որոշվելու են»,- ընդգծել է Բելառուսի նախագահը։