14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Պետք է հաշվի նստեք․ հագուստ ներկրողների բողոքի ալիքը ձնագնդի նման մեծանալու է. Միքայել Մելքումյան. ՏԵՍԱՆՅՈՒԹ
Քաղաքականություն
18.09.2020 | 14:11
Հագուստ ներկրող տնտեսվարողներն արդեն մի քանի օր է՝ բողոքում են ապրանքների մաքսազերծման ընթացակարգի փոփոխության դեմ: Նոր կարգավորումներով՝ Հայաստանում այսուհետ հագուստը կմաքսազերծվի ոչ թե կիլոգրամով, այլ քանակով, ինչի արդյունքում մաքսազերծման համար ավելի մեծ գումար պետք է վճարել:
Այս խնդրին այսօր խորհրդարանում անդրադարձավ ԲՀԿ խմբակցության պատգամավոր Միքայել Մելքումյանը:
«Արդեն 18-րդ օրն է՝ հագուստ, կոշիկ ներկրողները Կառավարության շենքի առջև հավաքված են: Պետք չէ թողնել այդ բողոքի ալիքը ձնագնդի նման մեծանա, մեկ է` պետք է հաշվի նստել դրա հետ: Այս հարցին որևէ միջանկյալ լուծում պետք է տալ: Եթե դուք ուզում եք, որ այդ ալիքը ձնագնդի նման մեծանա, ձեր գործն է»,- ասաց պատգամավորը:
Մելքումյանի կարծիքով՝ անցումային փուլ պետք է լինի, անհրաժեշտ է հանրային համաձայնություն ձեռք բերել, որոշ ժամանակով, օրինակ՝ վեց ամսով հետաձգել մաքսային նոր արժեքի կիրառումը:
Մանրամասները՝ տեսանյութում:
