01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Սա 0-ից գրվող օրենք է․ կարող են թերացումներ լինել․ պատգամավորը՝ կինոյի օրենքի մասին. ՏԵՍԱՆՅՈՒԹ
Մշակույթ
18.09.2020 | 12:14
Ազգային ժողովում քննարկվում է «Կինեմատոգրաֆիայի մասին» և կից ներկայացված օրենքների նախագծերի փաթեթը, որը ներկայացրեց «Լուսավոր Հայաստան» խմբակցության պատգամավոր Աննա Կոստանյանը:
«Դուք նախագծում նշել եք, որ օրենքի որոշ դրույթներ ուժի մեջ են մտնում 2030 թվականին, այսինքն՝ հիմա կանխորոշում ենք, որ տասը տարի հետո ուժի մեջ պետք է մտնի: Գրել եք՝ բյուջետային հատկացումների 0,1 տոկոս ֆոնդ է գալիս, արտաբյուջեների պրակտիկան դադարեցրինք, որ ամրակցված չլինի, հիմա նորից հետ ենք դառնում դրա՞ն։ Հիմա անունը դնենք հիմնադրամ, իքս, զեթ, իգրեկ, դրանից բովանդակային բան չի փոխվել։ Այս տեսքով օրենքը հակասում է ռազմավարական ծրագրերին, ինչ փաստաթուղթ ուզենք՝ հակասում է»,- այս մասին ասաց «Իմ քայլը» խմբակցության պատգամավոր Արտակ Մանուկյանը:
Պատգամավորը հարց բարձրացրեց՝ արդյո՞ք ավելի լավ չէր լինի նախ «Կինոյի մասին» օրենքի «կարկասը» դնել և ոչ թե 2030 թվականի համար փոփոխություններ նախատեսել:
Աննա Կոստանյանը պարզաբանեց, որ տարբեր ժամկետներ սահմանելու պահանջը բխել է կինեմատոգրաֆիայի ոլորտի ներկայացուցիչների ներկայացրած հիմնավորումներից: «Օրենքը ուժի մեջ է մտնում ընդունումից որոշակի ժամանակ անց և որոշակի դրույթներն են 2030 թվականին մտնում»,- ասաց Աննա Կոստանյանը:
Պատգամավորը նաև ընդգծեց, որ կինեմատոգրաֆիայի մասին օրենք չի եղել, սա «0-ից գրվող օրենք է, և կարող են թերացումներ լինել»:
Մանրամասները՝ տեսանյութում:
