21.05.2026 | 10:23
Հ1-ը կիբերհարձակման է ենթարկվել․ թիրախը եղել է ԵՔՀ-ի գագաթնաժողովը․ Հ1
Զախարովան լիբանանահայերի՝ Արցախում բնակություն հաստատելու մասին
Քաղաքականություն
17.09.2020 | 19:34
Մոսկվան ճշտված տեղեկություններ չունի Լեռնային Ղարաբաղ և հարակից շրջաններ լիբանանցի փախստականների հոսքի մասին։ Այսօր հրավիրված ճեպազրույցում այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք լսել ենք Լեռնային Ղարաբաղի դե ֆակտո իշխանությունների՝ իրենց վերահսկողության ներքո գտնվող տարածքներում Լիբանանը լքած հայերին տեղակայելու մտադրության մասին։ Կարդացել ենք հաղորդագրությունները, լիբանանահայ երկու ընտանիքներ ցանկություն են հայտնել բնակություն հայտնել Ղարաբաղում։ Լեռնային Ղարաբաղ և հարակից տարածքներ լիբանանցի փախստականների հոսքի մասին ճշտված տվյալներ չունենք»,- հավելել է նա։
Զախարովայի խոսքով՝ անհրաժեշտ է համարում կենտրոնանալ արցախյան հիմնախնդիրը, այդ թվում՝ փախստականների և տեղահանված անձանց խնդիրները լուծելուն ուղղված բանակցային գործընթացը վերականգնելու ուղղությամբ։
Նա հիշեցրել է, որ սեպտեմբերի 14-ին ԵԱՀԿ Մինսկի խմբի համանախագահները հեռախոսային խորհրդակցություններ են անցկացրել Հայաստանի և Ադրբեջանի ԱԳ նախարարների հետ, փոխանցել են միջնորդների առաջարկությունները՝ շարունակել քայլերը, ներառյալ՝ նախարարների հետ առանձին-առանձին հանդիպումների անցկացումը՝ հույս հայտնելով, որ կողմերը դրական կարձագանքեն։
