19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Եվրախորհրդարանը Լուկաշենկոյին Բելառուսի լեգիտիմ նախագահ չի ճանաչում
Քաղաքականություն
17.09.2020 | 18:59
Եվրախորհրդարանը չի ճանաչում Բելառուսում անցկացված նախագահական ընտրությունների արդյունքները և Ալեքսանդր Լուկաշենկոյին լեգիտիմ նախագահ չի համարում։ ՌԻԱ Նովոստիի փոխանցմամբ՝ այս մասին ասված է ԵԽ լիագումար նստաշրջանի արդյունքներով հրապարակված բանաձևում։
«Ընդգծում ենք, որ Եվրախորհրդարանը, Եվրոպական խորհրդի դիրքորոշմանը համապատասխան, մերժում է օգոստոսի 9-ին Բելառուսում անցկացված, այսպես կոչված, նախագահական ընտրությունների արդյունքները՝ հաշվի առնելով, որ դրանք անցել են միջազգայնորեն ընդունված բոլոր նորմերի կոպիտ խախտումներով, Ալեքսանդր Լուկաշենկոյին Բելառուսի նախագահ չի ճանաչում»,- ասված է փաստաթղթում։
Միաժամանակ, ԵԽ պատգամավորները ձայների մեծամասնությամբ կողմ են քվեարկել բանաձևին, որը Եվրամիության կառույցներին կոչ է անում կոշտ պատժամիջոցներ սահմանել Բելառուսի իշխանության ներկայացուցիչների նկատմամբ՝ ընտրությունները կեղծելու և բռնաճնշումների համար։
Հայտնի է, որ պատժամիջոցների նման ցանկ է պատրաստում է նաև ԵՄ Խորհուրդը, որում արդեն ավելի քան 30 անուն կա։ Եվրախորհրդարանը կոչ է արել ընդլայնել այդ ցանկը՝ դրանում ներառելով ոչ միայն Լուկաշենկոյին, այլև մեծ թվով բարձրաստիճան ու միջին օղակի պաշտոնյաների, ինչպես նաև գործարարների, որոնք սատարում են ռեժիմին կամ բողոքի ակցիաներին մասնակցելու համար աշխատանքից ազատում են իրենց ենթականերին։
