19.09.2026 | 09:41
Արսեն Հարությունյանը նվաճել է RAF-ի չեմպիոնական գոտին. ՏԵՍԱՆՅՈՒԹ
Միգուցե Գագիկ Ծառուկյանը համաձայնվի միանալ, օրենսդրական նախաձեռնություն բերենք․ Քրիստինե Պողոսյան. ՏԵՍԱՆՅՈՒԹ
Քաղաքականություն
17.09.2020 | 16:29
Այսօր ԱԺ նիստում «Իմ քայլը» խմբակցության պատգամավոր Քրիստինե Պողոսյանն անդրադարձավ ԲՀԿ առաջնորդ Գագիկ Ծառուկյանի գրառմանը, որում, մասնավորապես, ասված էր․ «Կարծում եմ` ժամանակն է Սահմանադրությամբ հստակ ամրագրել, որ հոգեկան լուրջ խնդիրներ ունեցող անձինք իրավունք չունենան զբաղեցնել քաղաքական բարձրագույն պաշտոններ՝ վտանգելով երկրի և ՀՀ քաղաքացիների անվտանգությունը»։
Պատգամավորն ասաց՝ նման մի նախաձեռնությամբ ինքը նախկինում հանդես է եկել, առաջարկելով, որ ԱԺ պատգամավորները հոգեբանական ստուգում անցնեն։
«Զարմանալիորեն այդ ժամանակ իր նախաձեռնությանը շատ վատ են արձագանքել ԲՀԿ խմբակցության պատգամվորները: Ես զարմացա, իմ ընկերները համոզեցին, որ այդտեղ խախտում կա ազատ ընտրության, և որ պատգամավոր կարող է ցանկացած մարդ ընտրվել, ամեն դեպքում, ես որոշեցի առժամանակ հետ կանգնել այդ ճանապարհից՝ լսելով ընկերներիս հորդորը: Բայց քանի որ այսօր ԲՀԿ ղեկավարն է նման հայտարարություն արել, երևի մեկ տարվա ընթացքում ինչ-որ բան է փոխվել, մտածում եմ՝ կարող է Գագիկ Ծառուկյանը համաձայնվի միանալ իմ այդ նախաձեռնությանը և միասին այդ օրենսդրական նախաձեռնությունը բերենք և հասկանանք՝ արդյո՞ք ԱԺ-ում ներկա գտնվող 132 պատգամավորները կանցնեն այդ ստուգումը և իրավունք կունենան ՀՀ քաղաքացիների համար օրենքներ մշակել, քվեարկել և հաստատել, թե՞ չեն կարողանա»,- ասաց պատգամավորը:
Մանրամասները՝ տեսանյութում։
