Հասարակություն
17.09.2020 | 13:11Աշխարհի չեմպիոն, ծանրորդ Արմեն Ղազարյանի փաստաբան Աստղիկ Պապիկյանը հավաստում է՝ Ոստիկանության Նոր Նորքի բաժնի աշխատակիցները՝ բաժնի պետի գլխավորությամբ, փորձել են տարբեր եղանակներով ազդել Արմեն Ղազարյանի վրա, որպեսզի նա հերքի և՛ իր դիմումը, և՛ իր հայտարարությունը՝ վստահեցնելով, որ այդ դեպքում իրեն որևէ վտանգ չի սպառնա:
«Այսինքն՝ խոսքը եղել է սուտ մատնության մասին: Տեսնելով, որ դա իրենց չի հաջողվում, նրանք փորձել են այլ մեթոդներ կիրառել, որոնց մասին, նախաքննական գաղտնիքը պահպանելու նկատառումներից ելնելով, չեմ բարձրաձայնի»,- նշեց փաստաբանը:
Նշենք նաև, որ աշխարհի և Եվրոպայի չեմպիոն, ռեկորդակիր ծանրորդ Արմեն Ղազարյանի պնդմամբ՝ Ոստիկանության Նոր Նորքի բաժնի աշխատակիցները բռնություն են գործադրել իր նկատմամբ, ինչպես նաև պատիվն ու արժանապատվությունը ոտնահարող արտահայտություններ թույլ տվել։ Կատարվածի վերաբերյալ Արմեն Ղազարյանը դիմում է ներկայացրել Ոստիկանության Երևանի քաղաքային վարչություն և Հատուկ քննչական ծառայություն։
Մանրամասները՝ տեսանյութում:
