30.03.2026 | 10:00
Իրանի ԱԳ նախարարը հայերենով շնորհակալություն է հայտնել Հայաստանին մարդասիրական օգնության համար
Ինչո՞ւ համայնքի ավագանու անդամները պետք է հայտարարագրեն իրենց ծախսերը․ մեծ վնաս կհասցվի․ Սամսոնյան. ՏԵՍԱՆՅՈՒԹ
Տնտեսություն
17.09.2020 | 12:59
Ազգային ժողովում քննարկում է Կառավարության ներկայացրած «Հանրային ծառայության մասին» ՀՀ օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթը: Օրինագծով առաջարկվում է ներդնել նոր՝ ծախսերի հայտարարագրման ինստիտուտ, ընդլայնել հայտարարատուների շրջանակը:
ԱԺ «Լուսավոր Հայաստան» խմբակցության պատգամավոր Անի Սամսոնյանն առաջարկում է վերանայել Կառավարության առաջարկը, ըստ որի՝ 15 հազար և ավելի բնակչություն ունեցող համայնքների ավագանու անդամների համար ևս սահմանվում է հայտարարագրման պարտականություն:
«Համայնքի ավագանու ինստիտուտը դեռևս չենք կարողանում կայացնել, քանի որ հիմնված է կամավորության հիմունքների վրա, ավագանու անդամը չի վարձատրվում և, ըստ էության, դժվար է ներգրավել մարդկանց: Այս դեպքում, երբ առաջարկում ենք, որ տարեկան հայտարարագրվեն նաև համայնքի ավագանու անդամները, մենք մեծապես վնաս ենք հասցնելու համայնքի ավագանու ինստիտուտին՝ որակական առումով: Այդ մարդիկ տարբեր պատճառներով չեն ցանկանալու հայտարարագրել իրենց միջոցները, քանի որ չեն վարձատրվում պետությունից»,- ասաց Սամսոնյանը:
Ըստ պատգամավորի՝ անհասկանալի է նաև, թե ինչու պետք է ավագանու անդամները հայտարարագրեն ծախսերը․ նրանց կյանքի որակը, ապրելակերպը կախված չեն պետության միջոցներից:
«Սա ևս նպաստելու է, որ մենք առանց այդ էլ թույլ տեղական ինքնակառավարման համակարգին մեծ վնաս հասցնենք»,- նշեց պատգամավորը՝ հորդորելով վերանայել համայնքի ավագանու անդամների մասով դրույթները:
Մանրամասները՝ տեսանյութում:
