14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՌԴ կառավարությունը դյուրացրել է երկիր մուտքի կանոնները
Քաղաքականություն
16.09.2020 | 18:44
ՌԴ կառավարությունը դյուրացրել է օտարերկրյա քաղաքացիների համար երկիր մուտքի կարգը։
ՌԻԱ Նովոստիի փոխանցմամբ՝ կառավարության նիստի ժամանակ վարչապետ Միխայիլ Միշուստինը հայտնել է, որ այն օտարերկրացիները, որոնք ՌԴ քաղաքացիությամբ մերձավոր ազգականներ ունեն, կարող են վիզա ստանալ դյուրացված կարգով։
Նրա խոսքով՝ այդպիսիք համարվում են ամուսինները, ծնողները, երեխաները, եղբայրները, քույրերը, տատիկները, պապիկները, թոռները։
«Նման ազգականները կարող են երկարաժամկետ վիզաներ ձևակերպել՝ մինչև մեկ տարի գործողությամբ, և դա հնարավոր կլինի պարզապես մեր քաղաքացու գրավոր դիմումի հիման վրա»,- ասել է Միշուստինը։
Միաժամանակ, օրենսդրությունից հանվել է նորմը, որը օտարերկրացիներից պահանջում էր յուրաքանչյուր երեք ամիսը մեկ անգամ հատել երկրի սահմանը՝ վիզա ստանալու իրավունքը պահպանելու համար։
