02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
ՀՀ-ն մարդու իրավունքների ոլորտում էնքան դարդուցավ ունի, որ մեզ հերիքում են․ վարչապետը՝ Բելառուսի մասին. ՏԵՍԱՆՅՈՒԹ
Քաղաքականություն
16.09.2020 | 18:29
Այսօր Ազգային ժողովում Կառավարության հետ հարցուպատասխանի ժամանակ «Լուսավոր Հայաստան» խմբակցության պատգամավոր Կարեն Սիմոնյանը հարց ուղղեց վարչապետ Նիկոլ Փաշինյանին՝ հետաքրքրվելով, թե ինչու Հայաստանը ՄԱԿ-ի Մարդու իրավունքների խորհրդի 45-րդ նստաշրջանի ընթացքում ձեռնպահ քվեարկեց Բելառուսում մարդու իրավունքների խախտումների ուսումնասիրման հարցի քննարկմանը:
«Հայաստանը մարդու իրավունքների ոլորտում այնքան դարդուցավ ունի, որ մեզ մեր սեփական դարդերն ու ցավերը հերիքում են: Ի՞նչ նկատի ունեք, երբ ասում եք, որ Հայաստանն իրեն համարել է եվրոպական ընտանիքի մաս: Բելառուսն էլ է իրեն համարել եվրոպական ընտանիքի մաս՝ այնքանով, որքանով Եվրոպայի խորհրդի անդամ է, ԵԱՀԿ-ի անդամ է, Արևելյան գործընկերության անդամ է: Հայաստանը նաև ԵՏՄ անդամ է, նաև ԱՊՀ ու ՀԱՊԿ անդամ է: Որևէ պետություն առաջին հերթին առաջնորդվում է իր ազգային շահերով ու հետաքրքրություններով: Եթե առաջարկում եք, որ Հայաստանը լինի այն բացառիկ պետությունը, որը այլ կերպ կվարվի, կարող եք այդ թեզը ներառել ձեր կուսակցության գործունեության ծրագրային դրույթներում»,- արձագանքեց Փաշինյանը:
Մանրամասները՝ տեսանյութում։
