19.09.2026 | 01:11
ԱԺ պատգամավորներին Անկախության 35-ամյակի առթիվ պարգևավճարներ կտրվեն․ «Ուժեղ Հայաստանի» ներկայացուցիչները կհրաժարվեն դրանցից
«Փորձում եք խեղդել մեր բոլոր ակցիաները». «Ես ոչ մեկին չեմ պատրաստվում խեղդել»․ Սամսոնյանի ու Միրզոյանի երկխոսությունը. ՏԵՍԱՆՅՈՒԹ
Քաղաքականություն
16.09.2020 | 10:33
«Լուսավոր Հայաստան» խմբակցության պատգամավոր Անի Սամսոնյանն այսօր որոշել էր ԱԺ նիստերի դահլիճ պաստառ բերել, սակայն թույլ չեն տվել: Նիստը սկսվելուն պես պատգամավորը ԱԺ նախագահ Արարատ Միրզոյանից հետաքրքրվեց՝ ինչո՞ւ չեն թույլատրել իր պաստառը խորհրդարանի դահլիճ բերել
«Որպես Ազգային ժողովի «Ելք» խմբակցության պատգամավոր՝ Դուք հնարավորություն եք ունեցել այս դահլիճ բերել հրավառ նյութեր և իրականացնել ակցիա: Հիմա խնդրում եմ բացատրել, թե ինչո՞վ ես կարող եմ խանգարել, եթե իմ անմեղ պաստառը, որը ո՛չ հրավառ նյութ է, ո՛չ ծակող գործիք, ո՛չ որևէ մեկին կարող է վնաս պատճառել, չի կարող մտնել այս Ազգային ժողովի դահլիճ, և ես կարողանամ այն ինձ մոտ փակցնել: Խնդրում եմ, որպես ԱԺ նախագահ՝ հրահանգել Ձեր աշխատակազմին, որ ես կարողանամ պաստառը մտցնել ներս, հակառակ դեպքում ինձ մոտ տպավորություն է ստեղծվում, որ այստեղ փորձում եք բոլոր ձևերով խեղդել մեր բոլոր ակցիաները»,- նշեց պատգամավորը:
«Հարգելի՛ տիկին Սամսոնյան, ես ոչ մեկին չեմ պատրաստվում խեղդել, Աստծո սիրուն: Ինչ ակցիա ուզում եք՝ արեք, ես չգիտեմ՝ ինչի մասին է խոսքը: Կհասկանանք՝ ինչի մասին է խոսքը: Ինչ վերաբերում է ֆայերները ներս բերելու դեպքին, անկեղծ ասած՝ մենք հեղափոխություն էինք անում, այդպես ստացվեց»,- արձագանքեց Միրզոյանը:
Մանրամասները՝ տեսանյութում:
