13.05.2026 | 22:47
Երևանում ծառն ընկել է չորս տրանսպորտային միջոցի վրա
Արևմտյան Երուսաղեմում բախումներ են սկսվել (ուղիղ միացում)
Քաղաքականություն
08.12.2017 | 16:28
Երուսաղեմի Տաճարի լեռան վրա մի քանի հազար մուսուլման է հավաքվել ուրբաթօրյա աղոթքի: Աղոթքից հետո պաղեստինցի արմատականները «ցասման օր» են խոստացել իրականացնել. փոխանցում է ria.ru-ն:
Գործակալության թղթակցի փոխանցմամբ՝ Դամասկոսյան դարպասների մոտ բախումներ են սկսվել մահմեդական ցուցարարների և իսրայելական ոստիկանության միջև:
Ցուցարարների խումբն արգելափակել է Հին քաղաքի մոտակայքում գտնվող փողոցը: Ամբոխը փորձում է կոտրել ցանկապատը Դամասկոսյան դարպասների մոտ:
Հիշեցնենք, որ Դոնալդ Թրամփը հայտարարել էր Երուսաղեմն Իսրայելի մայրաքաղաք ճանաչելու իր որոշման մասին: Իսրայելը Երուսաղեմը համարում է իր «միակ և անբաժանելի» մայրաքաղաքը՝ ներառյալ արևելյան շրջաններն ու պատմական կենտրոնը, որոնք կարողացել է հետ նվաճել Հորդանանի հետ վեցօրյա պատերազմի արդյունքում:
Հայտնի է՝ աշխարհը Երուսաղեմը Իսրայելի մայրաքաղաք չի ճանաչում, ու սա Մերձավոր Արևելքի հակամարտության ամենախրթին խնդիրներից մեկն է: Այդ իսկ պատճառով օտարերկրյա բոլոր դեսպանությունները տեղակայված են Թել-Ավիվում:
Դեռևս 1995 թ. ԱՄՆ Կոնգրեսը Իսրայելում ԱՄՆ դեսպանատունը Թել Ավիվից Երուսաղեմ տեղափոխելու մասին օրենք էր ընդունել, սակայն այդ որոշման իրականացումը հետաձգվում էր շուրջ 22 տարի:
